السلام عليكم
خواتي انا معرسه من شهرين تقريبا والدوره عندي مش منتظمه
هل يأثر هالشي في تأخير الحمل ولا؟؟؟
والسموحه
10 دخلن الموضوع ولا وحده ردت عليي ..؟؟
مالي حد غيركن اسأله وانا ماعندي خبره في هالمواضيع
مرحبا حبوبة
مع اني ما عندي خبرة واايد بس برد عليج عشان اجبر بخاطرج بس
اكيد يأثر هالشي,,, و امي تقوول يوم الدورة ما تكون منتظمة احتماال الحمل يكوون اكبر
ولا تستعين وايد ,,عيشي حياتج : )
كله رزق من عند الله,,,
و الله يرزقج الذرية الصالحة الصحيحة الباارة بوالديها
: )
الله يرزقج الذريه الصالحه اختي…آمين
مرحبا اختي..انا اول ما عرست الدوره ما كانت منتظمه عندي وما حملت لين ما تعالجت..الدوره تأثر على الحمل حبيبتي… مابا اروعج بس علاجها سهل…والله يرزقج بالذريه الصالحه ان شاء الله
احس عادي وايد حريم دورتهم مش منتظمه وحملو .. نصيحه .. فكرو فالحمل بعد 6 شهور ^_^
والف الف مبروك يالعروس ..
اختي اصلا الدورة تتلخبط بعد الزواج للتغيرات الجديدة انا حصل لي نفس الشي بس بعد الزواج ب 5 شهور انتظمت مواعيدها فعادي لازم تحدث تغيرات اصبري شوية عليها وماتقلقي