حاولت احط الموضوع في قسم سيدات الاعمال بس ما قدرت فقلت خلني اخبركن عن الموضوع ويمكن المشرفات ينقلنه للموقع المناسب
خواتي طبعا تعرفن عن القرية العالمية وماشاء الله زوارها 
وهني موضوعنا بيت المواهب السنة بيكون في القرية العالمية في موقع خاص ومميز واللي فيكن حابه تشارك ترا رسوم الاشتراك 5000 درهم للكشك يعني يا بلاش لان شوفي شو راح تحصلين بالتسجيل والاشتراك هناك:
# الموقع او بيت المواهب كله تحت رعاية الشيخة هند المكتوم اطال الله عمرها يعني بتخصص يوم لزيارة البيت والبنات اللي شاركن العام يعرفن شو معنى ان الشيخة تزورهن
# الترويج لزيارة بيت المواهب في وسائل الاعلام المختلفة بتكون مجانية
# بيكون افتتاحه مع افتتاح المهرجان يعني ما راح تلحقون على المبيعات ان شاء الله
# فيه فرصة لظهوركن في وسائل الاعلام وهاي فرصة بعد ما تتعوض للبعض علشان يروجون لنشاطهم او موهبتهم ايا كانت
# سعر الاشتراك يعتبر رمزي جدا مقارنة بالارباح المتوقعة والمدة الزمنية
# بتتعرفون على تاجرات او مواهب يمكن تفيدكن في مجال وانشطة شغلكن يعني شبكات Networking
يعني هاي فرصة ما تتعوض الصراحة بتضربن اكثر من عصفور بنفس الحجر .gif "12 (52)")
بالتوفيق للجميع ولا تنسون تخبرون اللي تعرفونهن وممكن يكونن مهتمات بالموضوع
وعليكم الســلام
تسلمين الغــاليه على هالمعلومات ،، وانا سايره باجر ان شــاء الله عشــان اسجل
والصراحه فرصه عشان اعرض شغلي
والله يوفقني ويوفق الجميع ان شــــاء الله
وحبيت ازيد على اللي قلتيه ( ترى ما بياخذون كل المتقدمين ،، بيكون الاختيار من قبل الاداره ( يعني بيختارون مجموعه )
وان شــاء الله خير
d@lo0o3t d@dy
امس رمست البنت وخبرتني عن كل شي
شوفي هذي دعوه من الشيخه هند الله يحفظها للموهوبين انهم يشاركون في بيت المواهب فالقريه العالميه
وهم للحين ما حددوا وين بيكون موقع بيت المواهب >> ما يعرفون عدال اي قريه بتكون
كل اللي عليج تسوينه انج تتصلين فالحرمه وتقولين لها عن نوع نشاطج وبعدين تسيرين لها دبي فالدايره الاقتصاديه
وعنوانهم هو: الدائره الاقتصاديه فدبي >>> الطابق الاول >>> مكتب مهرجان دبي >> تسألون عن الموظفه المسؤوله هناك
وبالنسبه للكبينه تراها بـ 5000 درهم وياخذون منج 1000 درهم زياده تأمين على المكان ومن يخلص المهرجان يرجعون لج الـ 1000 درهم
وطبعا من كل اللي قدموا الطلبات لبيت المواهب يختارون مجموعه بس عشان الكل ياخذ فرصه
وان شــاء الله اكون فدتج اكثر