بغيت احط هالموضوع ،، واخليه متجدد يعني تقدرون اتشوفون كل التغليفات من هني ،، اسهل عليكم العملية ،،،
وحبيت انوه من يديد ان التغليف مب من شغلي ^_^ لان الاغلب يتحراه شغلي ،، التغليف من ايد فلبينيات … والتغليف يكون من ذوقي واشرافي …
والسـعر يختلف للتغليفات /// للاستفسارات ذكر عدد الاشيا اللي راح تتغلف عشان اعطيكم السعر … وما اغلف اقل عن 4 اشيا ^_^ … وهالـ 4 اشيا التغليف فقط يكلف لهن 350 درهم ،، فكل ما زاد عدد الاغراض اللي في الهدية السعر يختلف ..
واللي حابه تكون الهدايا من برع يعني اروح اشتريلها ،،، اتخبرني شو تبغي بالضبط … وتدفع المبلغ كامل وزيادة شوي للاحتياط واذا زاد المبلغ ارد اودعلها اياه او رصيد تليفون …. واخذ عمولة 100 درهم ع التسوق …
ولو حبت هالخدمة .. بامكانها سواء اطرشلي المبلغ كامل عن طريق ايداع المبلغ في البنك " بنك دبي الاسلامي " او الانصاري بس اتخلي الانصاري يودع لي المبلغ في حسابي ،،
او في خدمة ثانيه سهلة بس تاخذ وقت وسعر اكثر ،، اخلي المندوب يمر ع الزبونة وياخذ منها البيزات لكن سعر التوصيل بيكون 50 درهم ،، 25 درهم ساير لها ،، و 25 درهم للتوصيل مرة ثانيه .. وياخذ وقت لان لين ما يوصلها وياخذ منها البيزات ولين ما عقب اييبلي المبلغ .. لازم قبل المناسبة باسبوعين اتخبرني عشان الحق اطرش لها المندوب ..
ملاحظة : في بنات يطرشن ع الخاص يطلبن التغليف نفسه بالضبط ،، انا ماقدر ارد اسوي نفس الشي بالضبط شي مثيل له او شبيه له ،، لان ساعات البوكسات او السلال يخلصن ،، وساعات الاشرطة ما تكون نفسها يعني في تغيير في بعض الاشيا 
،،، وحاولوا اتنوعون يعني كل مرة احاول اسوي الوان يديدة بس الاغلب يطلب نفس الشي لووول ..
ويا بنات حبيت انوه على هالنقطة …
– اللي حابه تطلب تغليف هدية لمناسبة معينة " تاريخ معين " .. لازم تطلب قبل المناسبة باسبوعين او 3 ،، لان ساعات يكون عندي زحمة وماقدر البي طلبات الكل ..
– الايداع مفتوح من ( طول الاسبوع لين الخميس ) استقبل المبالغ ومن عقبها ابدا الشرى او التغليف ،، والطلبية تطلع للشركة يوم السبت او الاحد ،، وتتوصل للمستلم خلال الاسبوع نفسه ..
– الميزانية لازم تكون ( متوسطة ) عشان اقدر اخذ لكن اغراض فيهن ،، يعني ع الاقل 1500 درهم … لاني بـ 1000 ما بقدر اسوي شي ..
هالموضوع بيكون مغلق على طول ،، بس متجدد
الصور موجوده في كل الصفحات ما عدا ( 3 و 4 ) في خلل في هالصفحتين فما يفتحن … على طول انتقلوا للي عقبهم
