بنتي صابها اسهال..من حليب بروجراس لعشاق السياحة

هلا الغاليات ..

الصرااحه انصدمت ..من حليب بروجراس
يوم كملت بنتي سنه وشهرين ..عطيتها حليب بروجراس وطبعا لاني قريت انه وااايد اوكي ..والحمدلله ناسبها واستمريت عليه ..
الحين عمرها سنه و8 شهور ..
ومن اسبوع كنت فاتحه قوطي يديد وبعدها بيومين صابها اسهال فضيع ..يومين ورا بعض ..ووديتها الحوادث وسوو لها تحليل وقالو كل شي زين دام انها ما ترجع وتقدر تشرب ..وخف الاسهال ..وفي نفس اليوم عطيتها فاليل مرضعة حليب وبعدها على طول صابها اسهال..ووقفت الحليب ..والضحى عطيتها مرضعه وعل طول بعد صابها اسهال ..فقلت اكيييد من الحليب ..اكيد مغشوش ..لا وحاطين وياه هديه مجانا..مع انه القوطي اللي قبله ما اتأثرت منه ..بس اكيد ها مغشوش..ولا شورايكن ؟؟؟

يااختي انا اعطي ولديه بروجرس وعادي مافيه شي الحمدلله بس اذا الياهل فيه اسهال لازم توقفين الحليب وتعطينه حليب ثاني حق الاسهال لين يروح عنه الاسهال وتردين بعدين على حليبه والله يشفيها ان شاء الله

يمكن من التسنين غيري الحليب اذا انتي شاكة انه من الحليب

مشكوره عالرد ..

التسنين صح يسبب اسهال ..بس مب جيه ..ومشكوره عالرد

يا من التسنين يا فايرس من الجو …الحليب اقطعيه هاليومين واعطيها حليب الاسهال ما يستوي يكون فيها اسهال وتشرب الحليب لانه يزيده

عزيزتي معروف عن حليب البروجريس انه دسم وايد ….يمكن بنتج الله يحفظها ما استحملته…وايد اطفال مايستحملون نوع من انواع الحليب خاصه الي فيه لكتوز يعني ..لانه بنت اخوي نفس الشي صابها يوم غيروه وقف عنها الاسهال عزج الله…. الحين استخدميلها حليب خالي من اللكتوز دام فيها اسهال وقفي عنها اي حليب لان الحليب يزيد الاسهال….والله يشفيها ويخليها لج….