بنت صف ثالث وتصيح لعشاق السياحة

السﻻم عليكم
انا عندي بنت ف الصف الثالث. .بعدها ماكملت 8 سنوات
وبصراحه من وهي ف الصف اﻻول وهي بين الفتره والثانيه تياس تصيح..زاتم مضايجه وتقولي ماابا اسير المدرسه..وهذا الشي مخلي البيت متوتر..ومشاكل بيني وبين ابوها…حلست معاها امثر من مره وكل مااسالها اذااحد يضايجها ف المدرسة تقولي ﻻ..وﻻ حد مزعلني وﻻ مضايجه من المدرسات..بس ماابا اسير المدرسه..ومن شهر تقريباً. .سوت نفس الشي..تمت تصيح وتقول مابسير المدرسه..قتلها زين..خﻻص يلسي وياي ف البيت..واغراض المدرسه بنوديها عند الفقراء..وانت تمي ف البيت ﻻ رحﻻت وﻻ طلعات وﻻ هدايا وﻻ تكريم..ﻻنها ماشاءالله متميزه…قالتلي ﻻ ابا اسير المدرسه..قطعت للصايح مجة شهر ومن يومين راده نفس السالفه..وووااااايد مضايجتني..ومب عارفه شو اسوي..دخيلكم اللي عنده نفس مشكلتي او يعرف الخل يخبرني..يزاكن الله خير

أنا ابني كان فالصف الأول لما أصحيه الصبح يقلي ما أريد أروح فقلتله خلص خليك نايم أنا نفسي تصير دكتور لما أمرض تعالجني فقام وحضني وراح المدرسة ماشاء الله صار بالجامعة عقبال اولادك حبيبتي…
لعبت على نقطة ضعفه وهي حنانه وإنسانيته وأنت شوفي نقطة ضعف فالبنوتة وربي يفرحك بشهاداتها العالية وتشوفيها معرسة

حبيبتي اكيد بنتج عندها سبب ؟؟
يمكن ما تشبع ارقاد .. او البنات يغايظونها او حد يضربها ..اذا ما خبرتج السبب كلمي أخصائية المدرسه تقعد معاها يمكن عندها اسلوب تخلي البنت تخبرها الاسباب اللي تكرها في المدرسه

الله يحفظلج عيالج

البنت هالسن تكون حساسه من كلمه او تصرف تاخذ بخاطرها
انتي فهميها سبب الدراسه الانسان لما يحط هدف في حياته لو كانت صغيره بتتمسك فيه وبتشد حيلها وبتعرف كيف تكون قوية
حاوريها واعرفي اهتماماتها بتحس انج تراقبين تصرفاتها وهي جيه بتطمن تبي تحس انه مهتمين فيها
مثلا ابلة فلانه عطتكم الدرس هذا انتي بتكوني فاتحه كتبها قبل شوي شوي بتبدي تتجاوب معاج
صديقتج فلانه اشحالها ؟
قعدي اسأليها وخلج ذكيه انج تعرفين اخبارها تواصلي مع ابلتها هي جيه بتحس بالراحه وانج معاها في كل خطوه

غالبا النوم هو السبب .. أكثر ما ينفر الاطفال من المدرسة هو النوم + إن نسوي لهم نشاطات يوم يغيبون فيحسون إن عندهم شيء حلو يعوض المدرسة+ أخيرا انعدام الصداقات في المدرسة ..

أنصحج راجعي مواعيد نومها وعطيها ساعة ونص أو ساعتين زيادة ..

حطي لها قرآن يهدي توترها

روحي المدرسة وقعدي مع الاخصائية وشوفي مدرساتها ..

روحي الصف وإسيليهم منو تحب فلانة .. وإسئليها هي منو صديقاتها

نظمي لصديقاتها حفلة سمر في البيت وعطيهم هدايا قربيهم منها

كثفي دورج في المدرسة بايجابية بتحسين إنها تهتم أكثر لأنج بتعرفين شو يصير وياها

لا تشجعينها على الغياب ولا تحسسينها إنها لو غابت بتطلع معاج مكان أو بتسير مول أو شيء

طلعتها الاسبوعية اربطيها بالالزام المدرسي

والله يصلحها ويقر عينج بها

صح رمسه مس بك اذا الياهله شافت انه البيت بتقعد وبتطالع التلفزيون وبتلعب ويمكن تاخذينها معاج تقضي مشاويرج بالعكس جيه ما بعيبها المدرسه
اذا قعدت في البيت امنعي عنها الطلعه والتلفزيون بس العصر وماشي لعب غير بعد ساعة معينه
لكن بعد لا تهملي الاسباب الثانيه اتواصلي مع الاخصائيه