بنت حميي عندها تأخر في النطق.. وين تنصحونا اندخلها !! ضروري تعليم الامارات

السلام عليكم ورحمة الله وبركاته

خواتي بغيت استفسر منكم .. بنت حميي فديتها عندها تأخر في النطق
علما بأنه عمرها اربع سنين ونص .. وين تنصحونا اندخلها ؟
روضه خاصه والا ..!!

ماشاءالله عليها تفهم وتعرف كل شي بس المشكله انها بعدها ماترمس عدل

شو الحل ؟؟ افيدوونا ..

فديتها …نفس حالة ولدي ….تعرفين يوم عرضته عالدكاترة والاخصائيين قالولي عادي دخليه الروضه …
والحين سجلته وبنشوف ان شاء الله………

امووره .. فديتهم الله يعافيهم

انزين شو افضل روضه خاصه او حكوميه في الظيت !؟؟

؟؟؟؟؟؟؟؟؟؟؟؟؟؟؟؟؟؟؟؟؟

!!!!!!!!!!!!!!!!!!!!!!!!!!

حاليا خلها ادخل حضانه عشان تندمج ويا صغاريه بتتعلم رمسه منهم تراه صغاريه ما يلقطون رمسه من كبار حطي في بالج .. خاصتا الياهل الي ما عنده اخت ولا اخو
وعن روضه خلها ادخل خاص بنظري اشوف احسن من حكومي …
اهم شيء تاسيس اوكيه

وعشان اطمن اكثر خلها اتودي مركز النطق واللغه في دبي
هم ادرى شو فيها يمكن عندها لحميه ولا تضخم في لوز ولا في مشاكل في سمع
ومااتشووف الشر ان شاء الله

انا بنتي كانت متاخرة بالنطق كانت ما تقول كلمة الا تصارخ بس .و ما خليت عيادة للأذن ولا نطق ما وديتها غير من الله هذا الشي …ونصحني الدكتور ادخلها الروضة .
و صدق من دخلت تمت منعزلة فترة متمت تييب كلمات شوية شوية
و الحين ما شاء الله عليها تعالي سكتيها ههههههههههههههههههههههههه
الله يوفقكم ان شاء الله …

يعني اللي عنده لحميه او تضخم لوز ممكن ياثر على كلامه

اختي حبوبه الطايفه كم عمر بنتج