يعني ماسووويتها من قبل ابد
بس شوي خفت لان البعض قالي ان الخيط يوم يسوونه ع الويهه ..الويهه يتخبق وتطلع حبووب
ويمكن يسوود
هل صح هالكلام ؟؟؟
لان بخاطري اشله للعييد وجييه ..
واكيد معضمكن يستخدمن الخيط .. ياليت اللي تستخدمه تقوولي
هل ضيع لها بشررتهاا ؟؟ وخبقهااا يعني يظهر لها مثل الحفر بويهااا ؟؟؟
وضيع لها ويها؟؟
ولا العكس وهالكلام مامنه شيء صح؟؟
انتظر رايكن لان اريد باجر ارووح الصالوون واشله
^^
كانت تحمر ولو احط ثلج او روب ما فيه فايدة حتى مال الصالون كانت تقول لي
لا تشلين ويهج ف الخيط مب زين ف الحين وقفت شقريه احسن لج ….
اول شي اخاري صالون نظيف واغسلي ويهج قبل الحف عشان كل الاثار اللي على ويهج تخوز وما تدخل بالمسام المفتوح من الحف لان في هالحاله بتظهر لج حبوب ويمكن تلتهب بفعل التلوث
عقب الحف لا تستخدمين الماي او اي كريم معطر بس امسحي اثر الحف والبودره اللي مستخدمينها عدل وبخفه وادهني ويهج بكريم الحمايه من الشمس عشان نسد المسام المفتوح وما يتلوث حتى لو الوقت بالليل لان هالنوع من الكريمات يحمي البشره عدل بس المهم مايكون فيه لون
نفس اليوم اللي بتحفين فيه لا تستخدمين المكياج ابدا ابدا وثاني يوم استخدمي ماسك مرطب بدون سكراب
اذا الشعر اللي بويهج خفيف وايد لا تسوين خيط ماله داعي الويع
انا استخدم الخيط من زمان وما احسه ضر بشرتي (مره بالشهراو شهر ونص)
انا اقولج لو كان بسيط جدا شليه بالملقط على حسب المنطقة اللي فيها الشعر ,, ولو كان واضح سوي له تشقير بصالون معروف شغلهم اوك ,, بس اول شي لازم تعرفين انتي بشرتج من النوع اللي يتحمل التشقير ولا يتحسس
واذا غليظ سوي ليزر
وجان حابة اتخوضين التجربة سويها بس لا اتحاتين من الحبوب وغيره ,,لأنه هالشي يعتمد على نظافة الحرمة نفسها وعنايتها بويهها
يعني انتي لا تهملين عمرج
على طووول من اتخلصين حطي ماااي ورد ومافي احلى منه
انا يوم اسوي حق حريم خوالي خيط ,,اسويلهم شرات الماسك بس تدرين شو ؟؟؟؟؟ ^_____^
اييب حبتين كلينكس وارصهم فوق بعض واغمسهم فمااي ورد باااارد
واحطه على ويييهم 5دقايق ووووووووبس
ما يحتاي كل هاللويه^^
اذا بتسوينه فالصالون قوليلها اتييبلج ماي ورد ولابد ما يكون عندهم
وقبل ما تطلعين من الصالون ,,اذا سايرة لهم حزة النهار فلازم اتحطين واقي شمس ,,عسب لا يبقع ويهج ولا يحبب او يتصبغ ^^
واذا فليل بتسوينه فمثل ما قتلج ,,سوي ماسك ماي الورد ,,وعقب نشفي ويهج وحطي كريم مرطب والسلام ^^