كل عام وانتو بخيرررررر
بما ان الدوام عقب رمضان … ان شاء الله باخذ سكن عسب اخلص بسرعه ولاني من منطقة بعييييده
حبيت اسألكم جم سؤال ؟؟؟
ربيعتي من بنات السكن وقالت لي انصحج لا تيين لانه ازعااااج وااااااااااايد وبتستوين كسوله !!!!!
شو رايكم اخذ ولا لا … ؟؟؟
وبالنسبه لغسيل الثياب والكوي ؟؟؟ والحياة داخل السكن والنظام .. بلييز خبروني كل شيييي لاني ماعرف ابددد اي شي عن السكن ….
والسمووحه منكن
تمام يسرج الحال ,,,
هلا فيج أختي
ف البداية حبيت اقولج حياة السكن حلوه ,, تتعرفين ع بنات من مختلف الامارات بالعكس ما بتحسين بكسل
امممممم السكن فيه ازعاج , بس مب دوووم ,, يعني الحياة ف السكن عاديه ,, مب إزعااج دووم ,,
انتي لما تجربين بتشوفين كيف الحياه ف السكن
وع سالفه غسيل الثياب والكوي ,, ف السكنات اليديده , ف غرف غسيل وكوي , يعني من هذي الناحية لا تحاتين
كل شي موفر ف السكن ,,,,
وربي يوفقج إن شاء الله
والسموحه ,, وإذا خاطرج بشي خبريني ,,,
فداعة الرحمن
up
up
بالنسبـة للحيآة السكنيــة –>> ع حسب البنت لو كان عآدي عندج الإزعآج و تتأقلمين بسرعة ويا عادات البنات المختلفة فـ / مآكو مشكلــة ,, أما لو العكس فـ / أكيد بتحسي بصعوبة ف البدآيـة و مع ذآآآآآلك رآح تتأقلمين
لأنج تبين درآستج و مستقبلج . . .
و الغسيل و الثيآب طبعـآ مآكو غسيـل .. ثيآبج إتم ويآج لين آخر الأسبوع و تنغسل بالبيت و جي ..بس بالسكن اليديد
أشوفهم محطين غسآلـآت بس عن نفسي حتى لو قالو لي غسلي ثيآبج [ مآ رآح أغسلهن بغسالة ستين ألف وحدة تغسل فيها
الكوآي –>> عآدي اتييبين كوآية ويآج السكن و تكوين ملابسج عآآدي ,,
السكـن حلوو بس يبآج تتأقلمين 100 % ^_^
تجربتي –>> [ مآ حبيت السكن أبـدآ من نآحية الرآحـة و الخصوصية و الرقآد و كيفية الدرآسـة ,, كل حين أنزعج من صوت فلانة و علانة ,, متعودة أرقد من وقت دوووم بس السكن خرب رقآآدي كنت أرقد ع 2 أو 3 أو حتى 4 !!! من إزعآآج البنآت ,, مابقولج دووم إزعآج بس أغلب الوقت ,,
الله يهديهم بس ,,
بالتوفيق حبوبة و السموحة بس هذي تجربتي ^_^
وع الغسيل مايحتاي تغسلين لانج بتنزلين بشكل اسبووعي
واحلى ازعاااااااج وربي وترا الازعااج مب دايما بالعكس حزة الامتحانات تشووفين الكل يذاكر ولاهي