بنات الي مخلصات علاج الروكتان مشاكل السمنة

الْسَلٱمٌ ؏ـَاـْيگمّ ۈرζـْمّـٌة"ٱللـّہ"ﯙبُرگـّاتہ

وااايد مقهووووره ، انا مخلصه علاج روكتان من اسبوع تقريبا و ماشفت نتيجه نفس باقي الناس ، وطلعو لي حبوب صغار

جرعتي كانت 50 باليوم لمدة 5 أشهر الا 4 ايام ، عانيت من الجفاف وصبرت طول هالمده ع الفاضي ، وفيه بنات يقولن ع الشهر الأخير المفروض ماتطلع حبوب خلاص بِــ̯͡سّ أَنا كانت تطلع وتجف بسرعه يوم او يومين وتختفي قلت عُاَدّيَےّ اصبر ،
مريت برمضان والعيدين والمناسبات وكنت احف ويهي بخيط واشل جسمي بشفرة ، معااااناااااه

ع اول شهر ماخذتهم بانتظام لاني ماقدرت أكلهم 3 مرات باليوم ،الدكتوره ماتتكلم ولا تشرح ولا الصيدلي ما يفهم زييين ، والشهر الثاني سالت عُاَدّيَےّ أخذهم مرتين مره 30 ومره 20 قالو لي عُاَدّيَےّ ،ماذكر ذاك الشهر كم حبه ماكليتهم ،وماكنت ادري انه لازم اكمل الجرعه ف 5 أشهر الا فـ اخر شهر شفتها يالسه تحسب ماسالتها شـو تحسب رديت البيت ودورت لقيت ف مدونة ثانيه انه لازم بعد ما نوصل لجرعه محدده نوقف العلاج ، الدكتوره الله يهديها كان لازم تشرحلي من البدايه وتنبهني انه اخذ الحبوب ومااضيع ولا حبه بس هال دكتوره باااارده ماتتكلم لازم اناا اسال وبعدين تتكلم
ورمضان بعد كنت اخذ ايام 30 وأيام 50

الحين اناا مب متاكده يمْـڱڼ من الأكل طلعت لي الحبوب ول سالفة الجرعه ؟؟!! حد يفهمني

شو اسوي الحين تنصحوني ابدا العلاج مره ثانيه ؟؟ مع اني كارهه العلاج الجفاف يلوع الجيد

وسؤال اخير بنات متى اقدر اتحنى أخاف احترق ، عندنا مناسبه بعد 20 يوم تقريبا من العلاج يستوي اتحنى ول لا؟

من تجربتي اول شي لازم الجرعة تناسب وزنج ، وثانيا لازم ما تفوتين ولا حبة ، ولازم فحص دوري للدم كل شهر او شهرين ، و المفروض ما يطلعلج حب بس يمكن الجرعة اللي خذتيها ما كانت كافية ، وبالنسبة للحنا عادي ما يأثر ….

الأحسن رجعي لدكتورتج وخذي منها التفاصيل كاملة … وشوفي شو تقرر لج

جرعتي كانت على الوزن بالضبط وزني 50 وجرعتي 50
وسالفت اني ماافوت ولا حبه ماكنت ادري ماشرحت لي الدكتوره الا فـ اخر شهر
وما سوت لي فحص دم الا مره وحده قبل العلاج بِــ̯͡سّ
وما اقدر اروح لها مره ثانيه ، واقولها اني فوتت كم حبه بتعصب علي مع انه المروض كانت تشرح لي من البدايه

لازم تلتزمين بالريكوتين يوميا لمدة 6 شهور بالضبط
انا كنت اخذ حبتين يوميا
و لازم ما تلعبين بويهج ؟؟؟؟؟؟؟
و لازم في اليوم 3 مرات تحطين مرطب لو ويهج وايد جاف انا كنت احطه 5 مرات من شدة الجفاف

يعني انتي دومج ما تاخذينه بانتظام و غير جي كملتي بس 5 شهور إلا 4 ايام ؟؟؟

سبحان الله وبحمده سبحان الله العظيم

أول شي فهمج لمسألة توافق الجرعه مع الوزن ترا غلط
ماله علاقه وزنج 50 يبقى جرعتج 50
الجرعه الدكتور يحسبها بالملي حسب وزنج مب نفس وزنج

ثاني شي لازم ترجعين للدكتوره تسويلج الفحوصات مره ثانيه وتقولين لها ليش طنشتي التحاليل 6 شهور؟؟؟
ثالث شي مسألة انج فوتي مره او مرتين اخذ الحبوب مب مصيبه هالقد اللي تخليج تخلصين الكورس وترجع لج الحبوب
رابع شي سيري للدكتوره وماله علاقه تقولين لها طوفت كمن حبه ماخذتها ابدا ابدا وخليها تشوف الحبوب هاي شو قصتها

موووووووفقة