بناات فديتكن دشن ابيكن شوي لصحة الجسم

انا كان عندي موعد امس مستشفى الرحبة صارلي ثلاث اسابيع اراجعهم وكل مره يقولولي سوي الترا ساوند انشوف الجنين اول اسبوع شافوا الكيس وثاني اسبوع قالولي نبي انشوف نبض الجنين وطلع ماشي نبض قالو تعالي الاسبوع الياي وبنشوفه وطلع ماشي وانا اتضايقت كل مرة ايسولي اخاف ياثر ع الجنين تعاملهم مع المرضى زفت واللي اتسويلج السونار دومها معصبة وتتحرطم وتقولي انتي كل اسبوع ياية مادري ع راسها الله يعينها الصراحة انا الحين اليه 5 اسابيع و6تيام وكل شي اوكي عندي الحمل داخل الرحم الحمدلله والهرمون كل يوم يرتفع بس الدكتورة اتقول عندج مشلكة بنبض الجنين بس ياترى شي عادي ماشي نبض في 5اسابيع وعطوني موعد 4/5 عشان يشوفون النبض مادري طمنني فديتكن

عاااااااااااااااااااادي فديتج لاتتروعين
مرات مايبين النبض اتريي عقب اسبوعين سيري جيكي وان شاءالله خير
توكلي ع ربج

اختي انا نفس الشي حصلي قالولي مافي نبض وقالولي بينزلوه قبل ما ادخل الثالث نزل بروحه والله عوضني الحمد لله برشودي وعبدالعزيز
اصبري والله قادر على كل شي ان شاء الله الله يرزقج اياه يارب العالمين
ويبدأ النبض في حدود 32 أو 33 يوم من تلقيح البويضة
ولكن يمكننا سماعه في حدود أربعة إلى خمسة أسابيع من تاريخ آخر دورة إذا ما استخدمنا جهاز الموجات الصوتية عن طريق المهبل
أو خلال 6 – 8 أسابيع من تاريخ آخر دورة إذا إستخدمنا جهاز الموجات فوق الصوتية عن طريق البطن

انا اول ماحملت قالت لي الحين انتي فالاسبوع الخامس
تعالي في الاسبوع ال10 او 11 عشان نشوف نبض الجنين
يعني عادي لاتخافين واتريي شوي
ومن الافضل روحي عياده خاصه
والله يثبت حملج ويتمم لج ع خير
وادعيلي انا اولد بالسلامه انشالله،، ها اول حملي وانا خايفه
الله كريم

ال تحاتين انا قالولي جي وكانوا يسون لي التواساوند من فوق البطن وقالتلي الدكتورة ما اسمع شي وبعدين دخلت التوا ساوند مهبلي وسمعت نبضه فديته ودمعت عيوني لانه بخير

الله يحفظه لج حبوبة لا تحاتين وخلج ريلاااااااااكس

الله يقومج بالسلامة انشالله وتشوفين ضناج بين يديج وانا بعد ها اول حمل اليه عقب اربع سنين من الانتظار بس ربج كريم عشان جيه انا خايفة

الله يسهل علينا الحمل والطلق والولاده ونفرح بشوفه عيالنا