ما بطول عليكم .. طبعا كل وحده حملت وولدت تغير جسمها ،،
أبغي أعرف شو سويتوا ؟؟ ويمكن يرجع الجسم مثل قبل ولا ؟؟
انا والده من 5 شهور وأعاني من جسم مقرف ونفسيتي تعبانه .
تساقط الشعر يمكن باقي لي 4 أو 5 شعرات
الكرش و تغير حجم الصدر وترهله
لون جلد البطن أسمر ،، عيزت وانا أفركه ما شي فايده
جفاف القدم وتشققها من أيام الحمل الى اليوم ، ما خليت كريم ما استعملته ولا فاد
جفاف اليد بعد مستمر لين اليوم ..
الله يخليكم اللي مرت بهالحالات وعندها خبره وحل تفيدنا ..
وجزاكم الله خير
ابدي بالربط اربطي بطنج
وبعد كل حمام ادهني جسمج بزيت اللوز او اي زيت او كريم تحبينه واذا جربتي زبده الكاكاو بعد اوكيه
كل اسبوع قشري جسمج بقشرات الجسم اللي في الجمعيات بتحصلين اشكال والوان
جربي الكركم اليمني ويا ماي الورد كقناع للجسم مرتين في الاسبوع انا قبل مااحمل كنت اسبوعيا مرتين احطه روعه
الحمام المغربي بعد وايد زين وينظف الجسم اذا ما تحبين تروحين الصالون سويه بروحج فالبيت
الشعر من تربين الدكتورة تقولج لازم تاخذين حبوب الحديد الين كم شهر عقب الولاده لانج في الولاده فقدتي كمية من الدم
حبيبتي لا تتعقدين كل شي بيرد نفس قبل بس انتي كثري من الخضرة والفاكهة والحركة والرياضه الخفيفه وكثري
من الماي والسوائل والعصاير الفريش
قبل كانوا يضربون المثل في جسمي
تعالي شوفيني الحين
انا ولدت مرتين قيصري .. لا اقدر اربط و لا اسوي شي
حتى المشي ما قدرت امشي لاني بعيده عن اهلي و ما عندي حد يساعدني
و الحين حامل و بعد قيصري .. و ما اعرف كيف اشيل الكرشه بعده الولاده …
مليييييت من الكرشه اللي عندها حل …
الله يعييينا يااارب
والربط انا وحليلي ما رمت اربط ,, كل ما اربط تنزل النفس وبالباجر ما اروم حتى احترك ,, هذا وانا بعدني فالاربعين
المشاركة الأصلية كتبت بواسطة رنج ابيض 
ابدي بالربط اربطي بطنج
وبعد كل حمام ادهني جسمج بزيت اللوز او اي زيت او كريم تحبينه واذا جربتي زبده الكاكاو بعد اوكيه
كل اسبوع قشري جسمج بقشرات الجسم اللي في الجمعيات بتحصلين اشكال والوان
جربي الكركم اليمني ويا ماي الورد كقناع للجسم مرتين في الاسبوع انا قبل مااحمل كنت اسبوعيا مرتين احطه روعه
الحمام المغربي بعد وايد زين وينظف الجسم اذا ما تحبين تروحين الصالون سويه بروحج فالبيت
الشعر من تربين الدكتورة تقولج لازم تاخذين حبوب الحديد الين كم شهر عقب الولاده لانج في الولاده فقدتي كمية من الدم
حبيبتي لا تتعقدين كل شي بيرد نفس قبل بس انتي كثري من الخضرة والفاكهة والحركة والرياضه الخفيفه وكثري
من الماي والسوائل والعصاير الفريش
صح لسانج أختي رنج أبيض