مرحبا امهات .. بغيت اسئلكم كيف اشيل بقع الاكل من ملابس ولدي .. استخدمت فانيش الوردي .. بس مافي فايدة لانه الذكيه خدامتي السابقة كانت ماتغسل الملابس على طول كانت تخليها دهر وبعدين تغسلها .. وحرام في ملابس غالية وما ملبوسة غير مرة او مرتين بس البقع مش راضية تروح وانا استخدم صابون تايد .. عطونا حلولكم وفي ميزان حسناتكم
يبيعون في الجمعيات الكبيرة شي يخوز البقع صوب الصابون مكتوب عليه بالعربي مزيل البقع و شكله و حجمه نفس مزيلات العرق (الدودرانت) يخوز البقع حتى الجديمة انا عطول استخدمه
و طريقته انه عقب غسيل الملابس لما نبا نكويهم افتش الثياب و اللي فيها بقع اسويلها عالبقعة بس بنفس حركة مزيل العرق و خليها عجنب لين تنشف عراحتها في الحجرة و بعدين اشيك عالبقعة اذا خازت رجعت حطيتها في سلة الملابس عشان اغسلها عادي و يا الغسيل لانه مكان البقعة وين ما حطيتي تتيبس و لو حصلتي البقعة ما خازت كرري العملية لين تخوز و عقب غسليها (بس اذا كانت البقع جديمة يحتاي تعيدين العملية 3 او 4 مرات)
و طريقته انه عقب غسيل الملابس لما نبا نكويهم افتش الثياب و اللي فيها بقع اسويلها عالبقعة بس بنفس حركة مزيل العرق و خليها عجنب لين تنشف عراحتها في الحجرة و بعدين اشيك عالبقعة اذا خازت رجعت حطيتها في سلة الملابس عشان اغسلها عادي و يا الغسيل لانه مكان البقعة وين ما حطيتي تتيبس و لو حصلتي البقعة ما خازت كرري العملية لين تخوز و عقب غسليها (بس اذا كانت البقع جديمة يحتاي تعيدين العملية 3 او 4 مرات)
و على فكرة فنيش البودر يخوز البقع بس يبالج تنقعينهن طول الليل
بس انا ارتحت ويا مزيل البقع اليي خبرتج عنه
فديتج حبوبة .. مشكورة عالرد .. وان شاء الله بخلي ريلي ياخذه
يزاكن الله خير..ومنكن نستفيد
اي والله صورته اذا ممكن
عندي في البيت بس ما اعرف كيف اصوره؟!!!!
بنستخدمه مشكوره