اشحالكم عساكم طيبين؟ وشو رمضان وياكم؟
الله يسلمكم انا حامل وهذا شهري لي اسبوعين فيه .. وان شاء الله بربي في الكورنيش (ادعولي الله يسهلي يا رب ويسخرلي عباده) ..
بس اللي يمعته انه الكورنيش في البيبي الثاني واللي بعده ما يسوون خياطه .. فبغيت اتأكد اذا هالشي صحيح ؟ واذا اقدر اطلب منهم يسوولي خياطه او لو تنصحوني اسويها بره في مكان ثاني وعند منو ومتى انسب وقت؟
وتسلمون يا رب ..
كسبوا فيني اجر على الاقل في هالايام المبروكه ..
اما حد برع ما عندي علم …
سمعت عند ناديه و كاميليا بس عن نفسي ما جربت
الكورنيش يخيطونج من برا ..
وإذا بغيتي من داخل تطلبين منهم لازم..
عن نفسي في ولادتي الأولى والثانيه ما احتجت والحمدالله..
وحرمة اخو زوجي راحت عند نادية تتأكد عن خياطة الكورنيش..
قالتلها نادية انه الخياطه 100% ..
واذا بغيتي برا عندج نادية أو أي عيادة ثانيه..
كل اللي عليج من تجربتي في الخياطه بس كانت برا مش داخل
كنت استخدم كريم ميبو.. هذا يبري الجرح ويلحمه بسرعه ومايخليج تحكين منطقة الخياطه لأنها تحجج وايييد..
واتحملي تغتسلين بماي وملح لأنه ينشف الخيوط وبيضايقنج..
وتمي بدلي الفوط الصحية بإستمرار عشان مايتم مكان اليرح رطب ويلتهب.
متى أطلب منهم خياطه من داخل؟؟
حزت الولاده بعد ما يطلع البيبي؟؟ ولا لازم من قبل يكون مكتوب في ملفي؟؟
وكريم ميبو اللي طريتيه أي نوع ؟؟ لأنه في أكثر من نوع من ه الكريم