بهارات بكميات مناسبه
بهار البرياني + فلفل اسود + زنجبيل بودره + كركم + كمون + حب كزبرة بودرة + بزار + هيل بودرة
نخلطه مع الدياي ونخليه من ساعتين إلى ليلة كاملة
يعني اذا مستعجلة خليه ساعتين
واذا تبينه لعزيمة بكرة مثلا جهزي من فليل
وانا خليته ليلة كاملة
مكوناتها :
باذنجان
كوسه
فلفل بارد ملون : اخضر اصفر واحمر
فلفل حار قرون
بطاطس
زنجبيل طازج
ثوم طازج
روب زبادي
بهارات مثل اللي استخدمناها في خلطة الدياي
بهارات صحيحه
وهذا شكله بعد القلي
والحين ناخذ شوي من زيت القلي ونحمر فيه الدياي اللي خلطناه
مجرد تحمير يعني لا تخلينه يستوي
بهالطريقة
وحطي فيه شوية بصل من اللي قليتيه
وبهارات صحيحة
وهذي صورة البهارات الصحيحة
وهي عبارة عن هيل + قرفة + كزبرة حب + كمون حب + مسمار + ورق غار
وطبعا ما يحتاج تحمير مجرد تحريكة بسطيه وبعدها نحط الخضرة المقطعه
عبارة عن كوسة وفلفل بارد اخضر واحمر واصفر وقرن او قرنين فلفل اخضر حار
وحطي عليها البهارات والملح
وحركيها 10 دقايق
قلبيهم وخليهم خمس دقايق
وحركي شوي
وبتصير بهالشكل
الحين هاتي الدياي اللي حمرتيه
حركي شوي شوي
حطي عليه بقدونس او كزبرة وطفي النار وعطي القدر وخليه على صوب
الحين العيش الرز
مكوناته
عيش مغسول ومنقوع فالماي
ملح
صبغة اكل باللون الاصفر
ماي ورد
زعفران
شوية زيت من زيت القلي
الحين هاتي قدر واسلقي فيها العيش الرز ربع سلقة لا تضيفين له غير الملح
واشخليه
الحين حطي طبقة صغيرة من العيش الرز
وبعدها خلطة الخضرة بدون الدياي
وبعدين باقي العيش الرز
وهاتي شوية صبغة الاكل + ماي ورد واخلطيهم
حسب الكمية فنجان او بياله او بيالتين
وصبي الصبغة بهالطريقة
وانثري شوية زعفران فوقه + شوية من الزيت اللي قليتي فيه البصل
وحطي الدياي فوقه
وسكري القدر عدل بالالمنيوم وبعدها الغطا
وخليه من نص ساعة إلى ساعة إلا ربع
وبعدها هذا شكله
وهذا صحن ثاني
وبالعاااااااااااااااااااااااااافيه على كل الحلوين اللي كلوووه
وانتظروني ان شاء الله مع فتة الباذنجان فالمرة الياية
والله يجمعنا مع من نحب بخير وعافيه
ودعواتكم لي ولعيالي
أم هــــزااااااع
لكن ماشي صور
واسمحولي مادري وين هي المشكلة بالضبط بس بحاول