برج العرب….. لعشاق السياحة

السلام عليكم ورحمة الله وبركاته…

مرحبا بنات, عندي مناسبة عيد ميلاد زوجي وحابه أحجزله في برج العرب.. فحابه أسأل وين أحسن أحجز عن طريق النت ولا التليفون ولا شركه سياحيه … يعني ظنكم في فرق بتكون في الأسعار؟؟أبا مكان مضمون عسب ما أتفشل…
ولو قلتلهم يزينولي الغرفه ويحطون كيك بيسون ولا أحسن أطلب كيك من برع؟؟ ياريت اللي عنده تجربه تفيدني وأكون شاكرة لها؟؟

هلا اختي
لا برج العرب الوحيد اللي اسعاره من الفندق نفسه احسن من اي شركة سياحية
وبالنسبة اذا تبيين اتزينين الغرفة مااعرف بس اعتقد يستوي بكل الفنادق( 5 ستار) هالخدمة
يعني اتصلي بالفندق نفسه واحجزي

مشكورة فديتج

اعتقد بالنت احسن الحجز بس عن برج العرب ماعرف والله وكل الفنادق يسون خدمة الكيك وهالسوالف انتي بس رمسيهم واتفقي وياهم انه تبين اسوين مفاجاه وهم بيتكفلون اب كل شي

أختي أحجزي عن طريق التلفون أحسن..

وبلغيهم بالمناسبة ,, وبيزهبولج كيك وباقة ..

;كم الغرفه عندهم؟فضوووووووووووووووووووووووووول

انا اذكر ان الليه في برج العرب ب 8000 درهم ..

بس قبل 4 سنين كانت الليله ب 2000 درهم