خواتي بغيتكن تساعدنّي في اختيار ستارة الميلس
القنفات بنيه شمواه مشيّر والإطار خشب
واليدار .. ورق جدرات اصفر وعليه ورود بنية
بغيت اعرف شو انسب لون حق الستاره !
بسير بعد يومين محل الستاير
وما ابى استعيل في اختيار اللون لانه حق الميلس واخاف ما يطلع حلو
عشان جيه حبيت اخذ شوركن
ياريت ما تردنّي
////////////////
وسؤال ثاني
غرفة النوم الرئيسية شو انسب لون لها ..
تعطي فخامه وتمييز عن باجي الغرف ؟!!
والله انا مجلس بيتا نفس الشي وحاطه عليهم ستاير من 3 الوان ذهبي وبني فاتح وبيج
ونوع القماش مخمل هذا الذهبي و البني فاتح من الجوانب والمخمل المنقش لونه بيج وهومن داخل
هو يعتمد على حسب الموديل الي بتختارينه .. وان شاء الله يفيدك رايي وبالتوفيق
.gif "13 (21)")
.gif "13 (42)")
راي بنسبه لغرفة النوم البني غامق هو الافخم هذا والله اعلم …..gif "13 (41)")
والحين مافي لون محدد للستاير تلاقين عدة ألوان فيها وعدة أنواع من الأقمشة في الستارة نفسها، موفقة إن شاالله . .
اما بخصوص الغرفع الرئيسيه للفخامه جربي ( احمر معا الذهبي ) او ( عنابي وسكري) او ( تركواز وبني ) او ( عيناوي واخضر ) ع حسب ذووقج
وبالتوفيق الغاليه
عاد لاتنسين تصورين لنااا بيتج بعد ماتعدلينه ^ـ^
فديتج لو تحطين صور لدرجات الالوان اللي عندج احسن يفيدونج البنات اكثر لان انتي ممكن تتكلمين عن لون بني غامج والبنات يتكلمن عن لون بني غامج لكن يكونن الدرجتين غير لاحظي ان شي بني غامج من درجات البرتقالي يختلف عن درجات البني من درجات الاحمر ,, فما ادري لو تحطين صور بسيطة يعني مب الكنب كامل بس درجة اللون عسب الواحد يقدر يساعدج ,,
والله يوفقج وييسر لج الخير ان شاء الله دنيا واخره
@ اختكم في الله @
ام ناصر 
وبالنسبه للتصوير
انا حاليا في بيت ابوي .. وما لحقت اصور الميلس
وشغلي كله دهديه . . . بس اذا لحقت بصور وبحط الصور
مشكورين فديتكن ..