من اول ويديد حبت مشوطه الزعابي تنزل موضوع جديد يخصنا نحن كحميات
ببتدي بنفسي عندي 3 حريم اخوان
علاقتي مع حرمه اخويه الكبير الحمدالله اوكي وساعات تيني هفه بس اصطلب ههههه
وعلاقتي بحرمه اخويه اللي متوفي (الله يرحمه ان شاء)من 15 سنه بعد الحمدالله وصدق اني متوله عليها لانها من الهند واخر مره شفتها من 5 سنين قبل لا اتزوج وكل مره اسير الهند لازم ازورها فديتها
وحرمه اخويه اللي اصغر مني ماشي غيرالسلام وبس
ويمكن يوم من الايام اتشوط واشوط حريم اخواني معاي
نباااااااااااا ردود هب مشاهدات بس عسب الوحده تحسن من
سلبياتها تجاه حرمه اخوها وما احب اسوي الفتن في البيت لان لي ربي اللي بيحاسبني.
ومن ناحيه الغيره الحمدالله ما اغار من حريم اخواني لان الوالد والوالده ربي يطول بعمارهم ما قصروا معانا بشيء واي شيء نباه كانوا ايبون لنا
وتزوجنا وعيونا شبعانه ولله الحمد يمكن اغااار من خواتي المتزوجات خخخخخ الغيره اللي نبا نتعلم منها مب غيره حسد والحقد
تنبيه
((((بناااااااااااااااااات اباكم تتكلمون عن اعماركم كحميات هب عن حريم اخوانكم))))
أنا عندي ٣ حريم إخوان
لحد الحين الله يبعد إبليس عنا
ثانيا عادي انا احس والله انا حريم خواني عندي 4
2 زينات وسوالف وضحك
و2 اعوذ بالله مايحبن حد
اللهم نفسي وبس
حمداللله 2 ساكنييين برع البيت
والا بموت منهم
عيالهم عند شغالة
هياتة 24 ساعة
صدق مرات احاول ايود عمري
وخواتي سوالف ضحك
بكل بساطـة وسهولـة 
بس انا حرمة اخو 3 بنات هههههههههههههههههه فدييييتهم ياربي مثل العسل على قلبي وعمتيه معاهن بعد
وعندي حرمة اخو ريلي بعد فناااانه ماشاءالله توها عروس ودومها مطيحه عندي تاخذ الخبره ههههههه
بس عندي حرمة اخو ريلي الثانيه هع هع هع شريره بس ما يخصنا فيها مع انه في نفس البيت بس هي خربت
على عمرها وخلتنا نكرهها الله يهديها يااارب
بصوره عامه علاقتيه مع الكل ممتازه الحمدلله سواء القريب ولا البعيد الحمدلله هلنا كلنا جي يعني حريم خوالي وحريم عمومتيه كلنا ربع ما قد تضاربنا ولا هن تضاربن ولا صار اي شي من الكلام اللي دوم اقراه في المنتديات
الحمدلله ياارب والله يبعد الشر عنا
انا علاقتي بحرمة اخويه الكبير وااااااااااااااااااايد زينه الحمد لله شرا اختي وهي بنت عمي فقريبه مني وايد
عندي اخويه الصغير توه معرس من ثلاث شهور تقريبا حرمته عمرها 17 سنه يعني بعدها ياهل >> مسويه عاقله انا خخخخخخخ
بس صار في تتش بيني وبينها وبين اخويه لاني اصلا على اختلاف بالرأي معاه دايما هو يحب يتفلسف وانا قلت له ما تعرف االفلسفه عندي انا خخخخخخ
الخلاف اللي استوى بسيط بس انا ما احب يتكرر ولازم احط حد عسب تعرف تتعامل معاي عقب ^ ^
اصلا انا اللي رشحتها حق اخويه لاني اعرفها من يوم عمرها سبع سنين كانت تيبها امها عدنا واصلا اخو ريل اختي مزوج اختها فانا دايم كنت اشوفها ويوم عزم اخويه يعرس قلت له عنها قال خلاص على ايدج وكنت مستانسه واااايد له الصراحه لدرجة اني تكفلت بكل الزهبه مالتها واخذت لها كل شي عذوقي ومن اغلى الاشياء والله
المهم بعد الملجه يابها بيت اهلي مدة يومين لانه يدووه كانت تعبانه واخويه اصلا بيته فابوظبي بس يا دبي عسب يشوف يدووه المهم كان البيت كله ناااااااس واخوي توه مالج ويبا ياخذ راحته وياها فهي قالت له خل نسير بيت اختك اللي هي انا وقامت تحن عليه واخوي الكبير سمعها وطبعا ما قالت لي المهم تجهزوا بالليل يا اخويه قالي ترا بنسير بيتج اليديد واباج تيين ويانا قلت له الصراحه انا مالي خاطر بس جانك تبا تسير ويا حرمتك سر واصلا انا بيتي اليديد كان بعده فيه اشغال بالحديقه يعني مجهز من داخل بس وانا ولا يوم سرت له عقب سرت ميلس الحريم جان تقوم وتخزني بنظره استغربت منها عقب سألتها بلاج قالت لي ما شي بس نبا نظهر انا واخوج بنسير بيت اهلي نبات هناك
واصلا هي ما تعرف انه اخوي خبرني بس ما عرفت ليش كذبت علي الصراحه انقهرت واخذت منها موقف وساروا وتمو بالبيت عندي ثلاث ايام عقبها ردوا وسرت انا للبيت عسب اشوف الاشغال يوم دخلت ما اقولكم شقايل البيت محتاس مع انهم ماخذين البشكاره وياهم يعني الغرفه الماستر خايسه اغراض واكل فوق الفراش مخلينه والفوط مال الحمام كلهن معقوقات بالارضيه مال الحمام الصراحه انقهرت من تصرفها وما قمت ارمسها من ساعتها يوم اتصل على اخويه اتخبره عنها بس ما ارمسها بس ليش تتصرف جيه ما عرفت الله يهديها ويوم توفت يدوووه الكل حضر واخويه كان برع البلاد وهي كانت فبيت اهلها فدبي ولا يت عزت الين اخر اليوم ويايه كاشخه تقول عرس مب عزا الكل تم يطالعها وقامت سارت ما يلست نص ساعه على بعضها ويا امها وخواتها ولا ردوا عقبها الين يومنا هذا ولا رفعت التلفون واتصلت على حد ابدا
بس ما نقول غير الله يهديها حتى مرت اخوي العود دوم تعيب عليها ويوم تقولها ترى عيب تتصرفين هالشكل تقولها انا بعدني صغيره ما يخصني جان تقولها ترى انا عرست اصغر عنج عمري 15 ولا سويت سواتج بس شو نقول الله يصلح الحال
ويهدي الجميع