باختصار… ولدي بيكمل 9 شهور عقب كم يوم
اليوم كنت يالسه اجلب الجرايد وهو ناثره العابه عداله..وفجأه
.
.
. سمعته يهاوع.. ماكان شي في ثمه.. ورد يهاوع .. جلبته على جدام ودقيته على ظهره
مافي فايده..كأنه غاص… شو اسوي يا ربي
حطيت صبعي في حلجه ابا اتاكد.. ماشي
رد يهاوع اكثر ودمعت عينه.. وانا قلبي طاح.. من الخوف رديت احط صبعي في حلجه اكثر ادور شي… ولقيتها
اااااااااااه…طلعت من حلجه لزقه صغيره… مثل ال ستكر مال السعر اللي في الالعاب…
الظاهر بالغلط ما انتبهنالها.. بالرغم اني اغسل كل الالعاب اليديده قبل ما يلعبها.
لو شفتو حالتي كيف…. عشر دقايق وانا اتنافض من الخوف
انتبهو الله يخليكم…
والله ينخاف عليهم
الوحده ما تعرف شو تسوي في هذه المواقف في خاطري آخذ دورة في الاسعافات الأوليه
دايما اتخيل مواقف ما أعرف اتصرف فيها
مثل شرب مواد التنظيف والصابون أو يبلع أشياء حاده
أريد أعرف شو اسوي يلين نوصل المستشفى
وإن شاء الله ما أمر بهذه الظروف ولا أنتن