انا من اليوم بتغير مين معي ؟ لسلامتك

السلام عليكم ورحمه الله وبركاته

بدون مقدمات طويلة أنا اليوم بالكليه يالسه بروحي وأشوف البنات ماشاء الله تبارك الرحمن اغلبهن اجسماهن حلوه وانا عندي كرش واستحي البس اللي يلبسونه وجذا ونفس الحال في البيت

فمن باجر ان شاء الله تعالى ببدأ رياضه وتخفيف وزن
وحابة انكم تشجعوني وتشاركوني بتجاركم , لأن انا مخطوبة وابا اتغير قبل لا أعرس وكذا

اتريا تجاربكم وتشجيعكم ونصايحكم لو سمحتو

ربي يحفظكم

اول شي حبيته تاريخ التسجيل 5/5/2015. حلو وايد. ثاني شي مبروك الخطوبة وثالثااااا حلو انج اتكونين معزمه بس لا تقولين من باجر قولي من اليوم لان اللي يبي الشي يبتدئ من وقت ما قرر،. لو تبين من تجربتي المتواضعة انا بديت من تاريخ 19/4/2015رياضه المشي لمده نص ساعه عقب العب ع جهاز الغزال الطائر ربع ساعه يوميا ويوم راحه ف سبووووع اما الاكل خففت صراحه بس اشرب سوائل والعشا فواكه ولازم يوميا اشرب اثنين لتر ماي بصراحه كملت اسبوعين صح اني نزلت ثلاث كيلو لكن وايد احس بالفرق جسمي شد وبدا يترتب خفيف. صعب يبين علي النتيجه بسرعه لاني مربيه من شهرين ولازم انتبه للأكل عشان لا يقطع حليبي من جي انا ما اقدر اخفف وايد من الاكل المفيد عموما انتي بعد بنيه وصغيره بسرعه بيبن فيج لو بديتي وسلامتج

ممتاز انا معاكم بديت من اسبوع رياضه 20 د والف عمري بالنايلون علشان اعرق وانزل الوزن
واول شي اسويه الصبح اشرب كوبين ماي دافيين وايد ممتاز في عملية التخسيس

اختي لا تستخدمين النايلون ابدا تراه وايد خطير عالجسم وفيه مواد سامة ويخرب الجسم
اقري عن هالموضوع لو حابة تتأكدين

والله يوفقكم جميعا وتوصلون للي تبونه

مشكورات حبيباتي ع تعليقاتكم

انا اليوم خففت أكلي وماكليت عيش وايد و بحاول أشرب ماي أكثر لين نهاية اليوم ان شاء الله
وبالنسبه للرياضه الحين بتمشى لنص ساعة وعقبها بسوي تمارين البطن وكذا

اختي لو بديتي بتمارين البطن بطنج بتشد لكن لو وقفتي تمرين بطيح بطنج وبتشوه. المشي لو حابه زيدي ف وقت المشي وانتي براحتج.

وعليكم السلام و الرحمة

انا ببتدي اذا الله راد من باجر الصبح "بروتين دايت"
ومشي بس نص ساعة

لأن ماينفع مع هذا النوع من الريجيم رياضة عشان ماتكبر العضلات بس يسحب دهون الجسم سحب بدون مايترهل الجسم

والله يوفق الجميع لما يحبه رب العالمين و يرضاه