شخباركن خواتي؟؟ عساكن طيبات؟؟؟
فديتكن انا ربيت ويبت احلى مهـــره … وربيت تاريخ 9-9 … ربي يحفظ لي بنتي مهره وولدي مهير ويخليهم لي ويجعلهم قره عين لي ولأبوهم يارب.. وربي يقدرني واحفظهم القران واسنعهم …
بقولكم سالفه ولادتي… كان عندي الرحم فاتح اثنين سانتي من اسبوعين …
ويوم الجمعه تاريخ 9 .. كنت متغديه عند عمتي .. وضاربه سوالف ويا حريم حمياني واقول لهم اني بروح بيت اهلي لاني ماادري متى بربي.. وقايله قبلها بروح اتعدل للولاده واتكشخ واتحنى وغيره وسبحان الله ياتني اعراض الولاده ورحت استقبل نونوتي بكشتي ههههههه
المهم تغديت عند عمتي وكانت مسويه مالح بالثوم… ومكثره عمتي الثوم هالمره … وانا وحده يزاها الله خير مخبرتني ان الثوم يفتح الرحم بسرعه …….
المهم اتغديت وعينت من الله خير … ورديت بيتي وقلت لريلي اني برقد وهذا كله وانا ابدااااا مافيني عوق ولاده …
رقدت ولدي وريلي راح يودي سيارته الصناعيه … وانا رقدت… الساعه 4:45 ياني عوق قووووووووووووووووووووووي فجأه بدون سابق انذار هههههههه
ونطيت من الكرفايه واقول ف خاطري هذا الالم قوي اكيد ولاده .. وشفت الساعه عشان احسب الويع كم كل دقيقه اييني… شفت ان اييني كل 10 دقايق وانا جذه
@_@
المهم اتصلت بريلي وقلت له ريس كاااااااامل عطه لازم توديني المستشفى انا بربي… واتصلت عليه المره الثانيه وقلت له طير والله تعبانه وانا شوي وبصيح
دخلت عزكن الله الحمام وسبحت بماي حااااااااااار …. ويا ريلي دق الباب .. قالي انا مكسر سيارتي واخر شئ تتسبحين… ههههه
المهم طلعت بسرعه بسرعه لبست وصليت لي شوي وطول الدرب انا استغفر واستغفر…
اتصلت بأمي وقلت له تجهزي تراني بربي.. وخليتهم يسوون لي جرفه … ومن وصلت عندهم نزلت ولدي اللي يحليله مستغرب لاني كنت اصرخ ف السياره وزيغان ههههه وحليله شالينه من بابمرزه وبشكله الشلع من رقاده وهو جذه @_@
المهم نزلت ولدي وشربت الجرفه ورحت المستشفى وامي ويا خواتي الثنتين لحقوني…
وصلت المستشفى الساعه تقريبا 6 الا ربع وجيكت الدكتورة وكان فاتح اثنين سانتي
تميت لحد الساعه سبع بالضبط ونقلوني داااااااخل… وكان فاتح 8 سانتي .. والساعه 8:45 يبت مهره الحلـــــــــوة.. ربي يبارك بها يااااااااارب
بس قبل لادخل غرفه الولاده شربت فنيان عسل…….
الـ 3 اشياء اللي ساعدني على تسهيل الولاده… الثوم والجرفه والعسل…
وكنت طوووووووول مااييني الالم كنت استغفر واكثر شئ قلته واحس انه يريحني اللي هي الله اكبر كبيرا والحمدلله كثيرا وسبحان الله بكره واصيلا
دعيت بها واااااااااااااااااااااااااااااااااااااااااااااايد وقريت قرءان والله ان تسهلت ولادتي والسبب الاول واااللي انا واثقه انه سبب في تسهيل الولاده اللي هو الدعاء والقران والاستغفار وكان عندي ماي زمزم قاريه عليه انا ادعيه تسهيل الولاده…..
واتمنى من الحلا مبتليها اختي اللي كانت وياي في الولاده تخبركم هي شو سوت من وراء الكواليس هههههههه
ودعواتكم لي ولعائلتي .. ربي يجعلنا قره عين لبعض ويحفظنا ويحمينا من كل شر
والسموحه منكم….
تتربا في عزكم..
ويحفظها الرحمن من كل سوء..
انا كلت ثوم اليوم كان في الصالونه هع
بس ماشي ويع…
عااااد الحين لازم اييني مثلا هههه مستعيله..
المهم انج ربيتي بالسلامه وعندج احلى مهره عساها تكون خير وبركه ^^
صدق اتحمست من قصتج عقبالي الله يسهل علي يااا رب
اشوفج تحمستي؟ ؛)
الود ودي اربي بعد من قريت موضوعها ^_~
لوووووووووول نسيت اقولج عيبتني سالفه تتسبحين..
كيف قدرتي؟؟؟
انا واااايد اخاف.. اتيبس مكاني ولو اروم اصيح جان صحت..
وشو عن المشي؟؟ كنتي تمشين والا؟
هيه صح متى ربيتي؟؟ اول التاسع والا نصه والا آخره؟
بورك الواهب والموهوب