حبيبتي بما انه في كثير بنات مايعرفون يطبخون حابين يتعلمون حياهم الله في هذ القروب راح اعلمهم خطوه بخطوه طريقه الطبخ زي ما انا تعلمتها وياربي لك الحمد صرت كل ماطبخت طبق لازم يسالوني عنه الحمد الله
بس بقولكم شي يابنات الي تبي تتعلم الطبخ لازم تحبه تحب الطبخ وترغبه عشان تبدي هي تتفنن وتبدع بالاطباق وانا راح اعلمكم الاشياء البسيطه وبعدين راح ندخل علي الدسمه بس ابي من كل وحده تجيب ورقه وقلم وتكتب كل يوم الوصفه الي اكتبها وتجربها يوم تسويها لاهلها تستغل شطارتها في رمضان
يالله نبدي بسم الله
2حبه بطاطس متوسطه مسلوقه
6بيضات مسلوقه
2بصل اخضر مفروم
الصوص :مايونيز و عصير ليمون و فلفل اسود وملح
الطريقه:1- يقطع البيض والبطاطس مربعات متوسطه لا هي كبيره ولا صغيره
2-يضاف عليها البصل الاخضر المفروم
3-يضاف الصوص وتخلط مع بعض وتقدم وهي بارده
ملاحظه :1- ماتقطعين البطاطس والبيض وهم حارين لان راح يتفتت معك خليه لما يبرد
2- الصوص انتي تقيسينه حسب الكميه الي عندك وتذوقين اليمون والملح لان في ناس تحب اليمون والملح وفي ناس لا انتي حطي حسب الرغبه بس لازم تضيفين كل المواد ماتنقصين شي
انا بتابع الموضوع والي بيعيبني بطبقه ومشكورة مقدما شيفتنا الجديدة 
بس عندي اقتراح حطي هذه الصورة بالصورة الرمزية مالج وصيري شيفة المنتدى
ان شاء الله تعجبج الصورة بس
بس هالاسبوع ريلي بيرجع من السفر
وبخليه يركب لي غاز فالمطبخ و ببدا
بس حبيبتي انا تحب دايم اكون متواجزه في المنتدي عشان الكل يستفيد
بما انا بحر الله يخففه علينا جربوه هذا الايسكريم وبيصير عندكم ادمان عليه
المقادير :
1حليب نستله مركز كبير اويسمي حليب محلي مكثف
2قشطه
6حبات كيري
باكيت بسكوت شاي
حبيبات الهيرشي
كورن فليكس
هيرشي سائل
الطريقه :1-اول شي تجيبين اي شكل انتي تحبين تحطين فيه الايس كريم مدور وله مربع او مستطيل
انا دايم احبه احطه في صحن الدائري حق السلطه عشان اذا قلبته يصير مثل القبه
2-اختار الصحن الدائري وابطنها بورق تجليد بلاستيك واخليه طويل واضع ورق زبده وممكن الاستغناء عنه
3- ثم اكسر البسكوت كل وحده 4كسرات
4-اخلط الحليب مع القشطه والكيري واصبه فوق البسكوت واضع حبات الهيرشي الكميه الي انتي تبينها بعدين اخلطهم شوي شوي عشان ميذوب البسكوت اخلطهم 3خلطات بس بعدين اغلفه بتجليد البلاستيك من فوق ثم ادخلها يوم كامل في الفريزر او حتي تجمد
5-عند التقديم نجيب صحن التقديم ونقلب فيه الايس كريم نشيل عنه الجلاد والورق الشمع وانثر عليها الكورن فلكس واحط في الجوانب الكورن فليكس اخليه يعني يحاوط الايسكريم بشكل دائري بعدين اجيب الهيرشي السائل واصب علي شكل خطوط بطول والعرض وتقدم بعافيه علي قلوبكم