حبيت افتح موضوع للنقاش عشان الكل يستفيد حق الموظفات اللي عندهن عيال
كيف تنظمووون وقتكم بين الشغل والعيال والزوج ؟
وشو تحسين لو قاعدة في البيت احسن وماتشتغلين احسن ولا منظمة وقتج ومرتاحة في حياتج وزوجج وعيالج مرتاحين؟
،هل تعتمدين اعتماد كلي ع الخدامة ولا حاطة العيال في حضانة او عند يدتهم ؟
اتمنى الكمل يشارك لاني موظفة وعلى ويه ولادة ووايد حديم يخوفووووني اونه مابتحصلين وقت ترقدين فيه!!!
بنتي عند أمي ولمى أكون في بيت ريلي بنتي عند عمتي
يبت خدامه وماعيبتني تمت عندي شهرين فلبينية ويبت إندونسية تمت عندي اسبوعين وماارتحت لها والحين مقدمة على فلبينية يديده بتوصل قريب عسى تكون زينه بس الحمدالله ما اعتمد على الخدم مب في كل شئ
في بنتي داومت بعد اربع شهور وكان تعب وايد تعب
ريلي من صوب وبنتي من صوب ساعات أقول لو قاعده في البيت أحسن
لكن عارفه عمري بمل عشان جي كملت شغلي لكن مع البيبي الثاني ان شاء الله احس تعب
لكن الشغل يعطيج شوي وقت لنفسج وربيعاتج بدال مجابل العيال
سهر الليل ومرض العيال يكون الوضع لا يطاق لكن كله باجره عند الله
الحمدالله عندي ريل متفهم وحمياتي وعمتي وخواتي يساعدوني وأمي فديتها مايقصرون
الله يسهل على كل حامل يارب
Up
Up
الصراحه اول ما رديت لدوام كان وايد متعب لانه بنتي بعدها كانت تسهر
فاسير الدوام وانا مواصله تميت فتره جيه وعقب الحمدالله انتظم رقادها
حاليا اودي بنتي للحضانه وابوها اييبها الظهر من الحضانه
عن نفسي اخلص شغلي في وقت الشغل وبس ويوم ارد البيت اشوف بنتي متوله علي واقعد وياها ومرات
من التعب صدق ما اقدر فاخذ قيلوله ساعه في هالوقت شغالتي اتلعبها واوصيها ما اترقدها حتى ترقد لي فليل
وانتي لا تفكرين وايد اتوكلي على الله امورج بتتيسر ان شاء الله وبتتعودين ع الوضع اليديد
ماشاء الله في دوامي موظفات عندهن 5 عيال والامور طيبه لانهم يسيرون المدرسه او الروضه فماتحاتيهم وايد
وشغالتي إندونيسية واايد تحبهم ..
أما ريلي دوامه من 2 لين 7 وانا دوامي الصبح يعني من ارد ايلس عند عيالي وعقب اجهز العشاء ونيلس انا وريلي وعيالي
بس الي مب حلو ما ارقد الظهر وبالليل يعذبوني اشوي ف رقادهم وانا اكون مدوخة ..
بس اتريا ولدي يدخل KG1 وبرتاح في رقاد الليل اتوقع
وبنتي بعدها تريد ترضع ف الليل وحاليا ما افكر احمل بالثالث لأ يوم يدخلون المدرسة ..
لا تحاتين بتترتب الأمور ..