وانا خايفة اوافق وبعد خايفة ارفض واتم فبيت ابوي طول عمري
وهوو عادي عنده ما مهتم بالعمر بس انا احاتي هالنقطة
طبعا بالشكل انا اصغر منه بوايد شكله كبير
شورايكم بموضوع العمر ياثر ولا عادي واللي عندها تجربة تخبرني اتشجع ولا ابطل …..
انا بعد مرت اخوي اكبر منه بخمس سنين عادي بعدين احسن اترومين له ^ *
انا ريلي اكبر مني وماكلني اكل كله ا يا حظج
ثانيا انتي مو أول انسانه بهالدنيا يتقدم لها شاب اصغر عنها..وانا اقسم لج بالله ان بنت عمي متزوجه واحد أصغر عنها بخمس سنوات وعايشين ولله الحمد في قمة الراحه والسعاده..والأكثر من ذلك انهم عايشين برا الدوله..فهل تتخيلي ان شاب اصغر من حرمته يتزوج وينجب ثلاثة اطفال ويكون في قمة المسؤليه عنهم…
لا توقفي عند هالنقطه…صلي الاستخاره وهي عماد الاختيار والرضا من الله..وثانيا اوقفي عند اخلاق الشاب ودينه وانسي كماليات الدنيا اللي رح تودينا في داهيه..
بالتوفيـــــــــــــــــــــــــــــــــــــــــــ ق يا قلبي
وبعدين الريال مب بالعمر بالاخلاق والادب وانا اشوفها عادي
واحسن شي اختي استخيري لربج مره ومرتين وثلاث وبعدين توكلي اذا الله مخيرج له تراج بتكونين من نصيبه واذا الله مامخيرج له بيصرفه عنج
والله يوفقج اختي ويسعدج دنيا واخره
اختي في البدايه صلي استخاره وشوفي اخلاق الريال وطبايعه .. اذا ارتحتي لهالامور اتوكلي على الله ولا تترددين ..
ولا اتخلين موضوع العمر سبب رفض الزواج .. اعرف وايدات ما شاء الله متزوجات وريااييلهن اصغر عنهم .. لكن الحمدلله متوفقات في حياتهن .. وانا تراني مثلج اللي متقدملي اصغر عني ههههههه والحمدلله على كل حال ..
اتوكلي على الله ومبرووك مقدما وبشرينا ان شاء الله وخلينا نسمع خبر ملجتج قريييييييب ياارب ^^
عسى ربي يوفقج ان شاء الله ويتمم لج على خير
_
ربي يوفقج