المصرووف المومة و الطفل

السلام عليكم ورحمة الله … م عندي استفسار او حايه اخذ رايكم بشغلة ….. انا معرسة من سنه ونص تقريبا وعندي بنوته .. قبل لا اعرس كنت اشتغل وطلعت من شغلي الان ريلي كان ما يبا. بداية زواجي كان يصرف عليه كل شهر ومب مقصر وياي في اي شي ،،بعد ماربيت تغير من هاي الناحية صار يعطني ومرات لا مب شرات اول واحسسسن صار حريص يعني لو ابا اسجل بنادي يقولي مب لازم ، ولازم اساعده عسب نجمع لمستقبل البنت مع انه هو مب مقصر في حق نفسه . وفي اشيا اباها لبنتي مثل سيت السيارة يقولي غالي مب لازم
حتي سرير البيبي خذناه مستعمل !!!

في نقطتين مهمتين حابه اذكرهم اني يوم طلعت من دوامي عطوني مبلغ نهاية خدمة وهو يعرف عن ها المبلغ وفي حال نسي يعطني اخذ منه
ونقطة الثانية اني قبل لا اربي كنت مسرفه واحب اشتري ف كنت اخلص المصروف في اسبوع

الحين المبلغ قرب يخلص وهو احسه يعطني ومرات لا،
اخاف اسكت ويتعود ويتم جي طول عمره
واخاف اتكلم واكون ظالمته الان موفر لي الاساسيات بس ولو ابا شي لي ولا للبنتي مثل ميك اب او اشتراك بنادي او لعب للبنتي اخذه بفلوسي

موفقة

ما دري انا اشوف اذا ف خاطرج؛ شي كلمي ريلج بس بأسلوب حلو ولا تلحي عليه وايد والأفضل انج ما تسكتي لأنه راح يتعود وبيصير ماسك عليج وايد

لازم تعودينه يصرف عليج بالاساسيات والكماليات
باجر بتخلص الفلوس ألي بالبنك

امممممم انا من رايي انه هو الي يصرف عليج سواء اساسيات او كماليات انتي تقولين ان هو ما يقصر على نفسه بس انتي يقولج مب لازم
كلميه قولي له شو مشكلتج بالضبط اما البيزات الي فالبنك قولي له خلصت لا تعودينه ان يشيل ايده من الصرف لان هالشي مب من صالحج

المفروض يصرف عليج أو يخصص لج مبلغ كل شهر يعني شوه اسوين تطلبين من اهلج عيل ليش مزوجنج؟؟؟؟؟؟

الغالية صعب نحكم
انتي وريلج ادرى بظروفكم المادية

و للعلم
وقبل ما انا اشتغل
ريلي كان يصرف على الاساسيات
ومعظم الكماليات استخدمها من بيزاتي الخاصة

لكن احن كنا متفقين على هالشي
لان ريلي عليه ديون واقساط و و و
فلو ييت وكتبتلكم الموضوع عبالكم ان في مشكلة وبتقولولي ملزوم يصرف و غيره!!!
بس لان انا ادرى بوضع ريلي فاعرف ان السالفة لا مشكلة ولا شيات
وهذا اتفاق بينا

فتفاهمي وياه
اعرفي شو هي ديونه
خططه المستقبلية لبيت العمر
ما في احلى من التفاهم حبيبتي
ولا تخلين الماده تخرب عليكم خاصة لو الريال فعلا يالس يبنيلكم شي للمستقبل