شخباركم يا بنات
اول شي قولولي الحمدلله على السلامة
لانه كنت وايد تعبانة وفي المستشفى من 10 ايام
صار لي نزييييف حاد عشان المشيمة نازله عندي
انا الحين هذا اول اسبوع من الثامن
يعني باقي لي شهرين عن الولادة
والحين ابا اعرف اذا اتعرفون في طريقة ترفع لي المشيمة لانهم
قالولي اذا مارتفعت المشيمة بيسوولي قيصرية في اول اسبوع من التاسع
انا سمعت عن دكتورة زينه في دبي تمسح و ترفع المشيمة بس ماعرف اسمها ولا مكانها
الله يخليكم ابا رايكم وتجاربكن
وفي شي ثاني الله يخليكم
اباكم تدعولي من قلبكم انه اخف والمشيمة ترتفع
واولد طبيعي لاني خايفة من القيصرية
دعواتكم يا بنات
لا تنسوني
اتريا ردودكم الطيبة
ولا تشلين اي شي ثقيل انا كانت المشيمه عندي نازله واشتغل في البيت وربيت وانا كنت في اليوم 14 من الثامن
ماريد اروعج بس ارتاحي
أنا تقريبا مثل حالتج ومن الحين يقولون لي قيصرية الله يكتب لنا الولادة الطبيعية بس مثل ما قالوا الخوات ريحي عمرج وحاولي تنسدحين وريولج على فوق الله يعين ويسهل …