الله يكرمكن ….زبالة الحفاضات ….شو الحل؟؟؟؟؟

شحااالكم بنااات

بغيت اتخبركن شو تسوون ب حفاضات اليهال الستعملة؟؟وين تحطونها ؟وكل كم يوم تروحون تقطونها ؟؟

انا اسكن فبيت اهل ريلي وعندي غرفه وريحة البامبرز الله يعزكن تفوح بالغرفه بكبرهاا…وخاصة من ارد من بوظبي بالويكند الغرفه تكون مشتله من الريحه اععع

للعلم انا اخليها ف زبالة واسكر عليها ..بس ماعرف كيف تطلع الريحه برع
شسوي دبروني ؟؟عطوني حل الله يخليكم ؟؟

فديت روحج لاتخلين الحفايظ في زباله على طول عقوه برع البيت

وخذي لج اكياس وخليها عندج بالحجره او المخزن او الحمام وعلى طول من تفصخين الياهل عقيه في الكيس وبعد ماتلبسين الياهل على طول شيلي الكيس وعقيه برع البيت

للرفع

الغاليه أنا كنت أعاني مثلج عقب شفت الحل الوحيد أفر البامبرز دايركت في زبالة الحوي لأن الحمام حتى ريحته ما تنطاج من الحفاظات ومستحيل أطلع من البيت إلا فاره كل الزبايل من الغرفه والصاله والمطبخ والحمامات