القمل والصيبان

هلا
انا بنتي تعاني من القمل والمشكله العوده الصيبان من يوم وديناها الحضانه وجربت كل شي بس ما نفع والله يفشل شعرها يبان الصيبان عدل

والله اللي تساعدني راح ادعيلها من كل قلبي

في شامبو واسبري في الصالون ايكون فنااااااااان والله يوفقج

استخدمي شامبو برايم من أول استعمال بتحسين أنه خف، وهو ثلاث مرات في الأسبوع

نصيحة سيري الصيدلية و اطلب شي اسمه بارا
عليج و عالبارا مرتين فالاسبوع و هي و الخير بيكونون رباعة

في دوا من الصيدليه اسمه سنان يقضي عليه ان شاء الله واشتري مشط بو اسنان مال القمل .. واهتمي بنظافتهم ..

وسمعت مرة خالي قالت كانت تفرك شعر بنتها بعسل وخل … وراح الصيبان منها ..

وشي شامبوهات موجوده فالصيدليه تعالج المشكله بسرعه ..

انتي سيري الصيدليه وقوليلهم شو احسن دوا وان شاء الله مابيقصرون

مره قريبت بالهمنتدي (دورت الموضوع بس ما حصلته)
تدهنين شعر بنتج بزيت زيت الزيتون الزيتون وتغطيه بكيس بلاستيك مال الشعر وتخليه مدة 12 او 10 ساعات يعني تنام فيه
وبعدين تغسليه بشامبو خاص بالقمل تقدرين تاخذيه من الصيدلية
كل يوم لحد ما تفتك ولازم كل مره تغسلين فوطها وكفر المخدة ال تنام عليه و مشط الشعرها و تقمينه بديتول افضل

وان شاء الله تفيدج هالطريقة واذا فادتج ادعيل الله ينولني ال ببالي و اشتغل و تتسهل ولادتي ويكون طفلي سليم معافى ومش متاثر بالجدري او باي شي ثاني
والسموحه منج

نفس مشكلتي مع بناتي واسخدمت بارا يوم وزيت الزيتون يومين والله الشاهد من ثاني اسبوع اتخلصت من القمل لحين مره بالاسبوع زيت زيتون بس
حتى لا يرجع القمل