شحالكم؟
طبعا هذا الموضوع حق اختي ..هب لي..أنا بعدني مب معرسة 
ريلهــــــــا يوم ميلاده الشهر الياي
وقالت لي تبغي افكار >>> حركات رومانسية
يعني طريقة تزيين البيت .. أو تفاجأه بمفاجأة حلوة … إلخ
ولاتبخلون علينا يا عروووسات بأفكاركن 
وهي كل املها عندكم
يالله بسم الله
منو أول وحدة بتقص الشريط الأحمر وتبدع لنا بأفكارهــــــــا
بقولج عن عمري
انا بصراحه ريلي دفش وما اتعيبه ها السوالف
بس المره اليتيمه الي سويتله فيها حركات قبل 3 سنوات اول ما عرسنا
خذت من الشموع الصغيره الي تنحط في الشمعدانات الي فيها معدن ان شاء الله عرفتيها
ووزعتها في الغرفه فوق ال 100 شمعه بس شكلها كان روووعه
وشليت كل الاغراض الي على التسريحه وحطيت كيكه وصحن فيه فطاير مشكله اونه عشا رومنسي خخخخخ وقلاصين عصير فراوله مع اني ما احبه بس علشان كل شي يكون لونه احمر
والهديه عدلتها وحطيتها على زاويه
هي ممكن اتحط هاالسوالف كلها على الطاوله في نص الغرفه واتزين الغرفه بالبالونات
الله يحفظكم لبعض يااارب
::::
يالله يا عروووسات وين خبرتكن ؟!!
المشاركة الأصلية كتبت بواسطة عاشقة ولدي 
اتفرش الشبريه بكفر بيج بس تحط مخدات حمر وتنثر ورد طبيعي ع الشبريه وتخلي الاضاءه نفس الشي حمرا وتحط شموع في كل مكان والتواليت تفضبه وتحط عليه شموع وورود حمرا منثوره وتحط طاوله في نص الحجره عليها الهديه والكيكه والعصير وتعلق ع اليدار اشعار حب بشكل مرتب
وتكرمين الحمام نفس الشي تحط شموع وتترس الحوض ماي وتنثر فيه ورود حمرا
^_^
اختي سوتها هالحركة تقول
تبغي
some thing difference
شدوا حيلكن
الكل بيستفيد تراا
^_*
حبيبتي لاتسوي ها الليله في نفس يوم عيد ميلاده لان سمعت انه حرام والله ما ادري اذا صح بس انا سويتها نفس ليله رومنسيه في نفس شهر عيد ميلاده بس مش نفس اليوم………
نبدأ……………..
1- غيري في مدخل البيت ارمي على الارض اقمشه شيفون حمره وبعدين انثري فوقها ورد جوري طبيعي.
2- غرفة النوم غطي ارضيتها بالشيفون الاحمر وبعدين قصي ورق ملون يفضل احمر على شكل قلوب صغيرة وكبيرة ولصقيها على الجدار.
3- حطي طاوله دائريه في طرف الغرفه اوفي وسطها غطيها بشيفون احمر وحطي فيها شموع حمر ورشي مادة لماعيه مثل الجلتر الاحمر وورود حمر منثوره على الطاوله وجهزي كاسين عصير من الي يحبه مزين بقطعة فروله ومن مسكة الكأس زينه بشريطة حمرا او لصقي ورد بلاستيك على مسكة الكأس.
4- طلبي كيك او سويها بنفسج وزينيها بكريمه حمرا وفراوله حطيها على الطاوله الي زينتيها معاها طبقين من احلا الاطباق الي عندج او اشتري غيرهن .
5- دخني الغرفه بالبخو ر المفضل عنده مثل العود او اي شيء.
6- جهزي هديه حلوه تكونين شارتنها من قبل مثل نظاره شمسيه ماركه او قلم او ميداليه عليها حرفج وحرفه لاتاخذين هديه عوده لان عشان يوم تغلفينها واتحطينه في درجه تكون ساده في الدرج ماله ……نسيت فرغي درجه يعني عقي ثيابه …………..مب يعني تعقينها عق برع حطي ملابسه في درجج ولاتنسين قبل ما تحطين صندوق الهديه في الدرج وقبل ما تغلفينها كتبي في ورقه حمرا احبك بجنون وبعد ما تغلفينها حيطيها في الدرج مع بالونات حمرة صغيرة وقفلي الدرج بالمفتاح وشلي المفتاح وحطيه داخل علبه حمراومعاه ورقه مكتوب فيها سير درجك وافتحه حطي العلبه الي فيها المفتاح داخل الحمام .
7- وترسي الغرفه بالبالونات تكون حمرة وحطي في وحده منهن ورقه صغيره مكتوب فيها انج تدعينه على حمام رومانسي .قبل كل هاذا حطي لافته على الجدار مكتوب فيها سير التسريحه بتلقى دبوس فجر البالونات كلهن وبتعرف السبب؟
8-والحمام ترسيه ماي ونثري الورد الاحمر فيه والرغوة وحطي الشموع في أرجاءالحمام وجهزيله بيجامه مرتبه ومعطرة .
9-لبسي قميص نوم احمر مغري جدا مثلا اذا تبين راي انا مليت من ملابس النوم الطوال لبسي تنورة صغيره تكون دانتيل حمره معاها ستيان دانتيل احمر وروب ناعم شيفون انا خذته من كارفور من محل الذكريات الجميله اذا انت من العين بتحصلينه اما اذا كنت مش من العين خذي لبس نوم تقريبا نفسه احمرواتعدلي بمكياج احمر ومدي الجحال دور داير وحطي شوية مسكره افضل ماركة نيفيا تخلي الرموش روعه وحطي بلاشر زهري خفيف عشان اذا ظحكتي يبين على خدودج وحددي فمج بقلم التحديد الاحمر وحطي قلوس فيه لمعه يكون احمر الرياييل يموتون في اللون الاحمر
واستشوري شعرج خليه مفتوح او رفعيه شوي .
10-خلي اضاءة الغرفه تكون بالون الاحمر يعني خذي لمبه حمرا.
11- على السرير حطي شرشف احمر او ابيض ونثري عليه ورد جوري وبطاقات صغيرة مكتوب فيها صفات ريلج.
12- انتي اندسي في الحمام عشان يوم اي يدخل الحمام يشوفج مزيونه وبوسيه على خده بس لاسووون شيء بعدها اللعبه مابدت خليه يسير ياخذ الصندوق الي في الحمام ويفتحه ويسير يفتح الدرج ماله ويشوف الهديه وقوليله كل عام وانت بخير حبيبي واشريله بصبعج قوليله نسيت اني داعتنك لحمام رومانسي وشوفيه ما طار لين عندج ولعبو لعبتكم وبعد ما تاخذون الشور خليه يلبس البيجامه وقوليله يالله حبيبي روحنا نتعشى ونقص الكيكة بس هاذا الي عندي تراني تعبت وايد ياويلكم الي تدخل لازم تقول مشكووووووورة لانه يديه عورني من الكتابه
انشاء الله تعيبج فكرتي تراها وايد طويييييله
