الدكتورة ناديه .. والولاده في مستشفى برجيل تغذية صحية

السلام عليكم بنات..

انا فكرت اربي عند دكتورة ناديه في مستشفى بارجيل لاني مسويه عملية تضويق قبل سنه ويوم بربي بكون كملت سنتين وخايفه اربي في حكومي يقطعوني ومايخيطوني عدل

الدكتورة ناديه وايد شاطرة واراجع عندها وخواتي دوم عندها .. بس محد جربت فينا الربى عندهااا

ياااااااااااااليت اللي جربن يفيدوني؟؟ وبليز مابي وحده تقول سمعت وسمعت ابي شي اكيييد ومجرب

ان شاء الله يفيدنج البنات ،، ورفع لعيونج

مشكورة حبيبتي.

هلا اختي انا خوات ريلي وغيرهن ولدتهن دكتوره ناديه وبصراحه وايد شاطره وخياطتها بعد اوكي وأنا الحين ناويه اربي عندها في برجيل

الحمدلله .. الله يسهل لج يارب .. ويااليت عقب تنقلين لنا تجرجبتج معااهاا

ان شاء الله اختي بس والله توكلي على الله ،، الكورنيش ما بيخيطون لج اوكي انا عندي بنوته كملت ثمان سنين ويبتها فالكورنيش وقلتلهم اريد خياطه تجميليه بس أبدا ما رتبوا لي بس خياطه من برع والمنطقة وسيعه عندي مع انه بس طفل واحد عشان جي بروح عند دكتوره ناديه من التجارب الي شفتها والدكتوره شاطره ما عليها كلام

سويت بحث في قوقل
وشفت تجارب البنات معانا في المنتدى ولدتهم الدكتورة نادية
الصراحة يمدحونها ويقولون انها تساعد وايد
والتساهيل من رب العالمين