ما أعرف كيف أبدى الموضوع
أنا حامل في الشهر السابع وتستويلي وايد أشياء من دخلت الشهر السابع
يعني أحس بضيق وأحس بثقل مب طبيعي وأحس بدوخه وفجأة أعرق ودقات قلب
ويوم أسير العيادة إقولون الضغط نازل مع إني آكل وايد زين بس ما أعرف شو السبب
فحبيت أعرف منكم هل اتمرون إنتوا بهالشي والا انا بس
خبروني كيف إمر عليكم الشهر السابع وخلونا إنآزر بعض سواء كنتي حامل بواحد أو تووووووووووم أو 3 أو أكثر
والي مب حابة إترد يرفع الموضوع بدعوة حلوة
والله انا احاتي كيف اصوم رمضان الله يسهل علينا ان شاء الله
المشاركة الأصلية كتبت بواسطة وردتبسم 
والله انا احاتي كيف اصوم رمضان الله يسهل علينا ان شاء الله
مشكورة عالرد
حتى انا كله ضغطي نازل وما أخلي شي مالح الا آكله بس ما اعرف ليش كله نازل
الله اسهل برمضان يا رب علينا وعلى كل المسلمين
ومستوى السكر نازل بعد
وما احب الموالح ابد
ومقله في شرب السوائل
وكل هالاسباب تؤدي للاحساس بالهبوط في الضغط
اشربي سوائل وايد وعصاير + الفيتامينات والحديد + حاولي قد ما ترومين تريحين نفسج نامي الظهر و دايما ريحي ظهرج بالوسايد الناعمه ولا تنسين تقرين الرقيه الشرعية على عمرج وعلى البيبي و بعد شوووه نسيت
هيه حاولي كل حركاتج تكون بطيئة ولا تقومين من السرير بسرعة عشان لا تدوخين والاكل خليه كله مفيد مثل الحليب الطازج والبيض و السمج .. الفواكة و السلطات .
شوفي هوه متى ما كبر البطن يتم يضغط على الحجاب الحاجز فيسوي ضيق في النفس ومعظم الحوامل يمرون بهذا الشيء.. وحاولي تلبسين ملابس واسعه مريحه
و أنا مريت بهذا الشيء ولين الحين ضغطي أوردي نازل قبل لا أحمل ومستمر مع الحمل الله يشفيج ويشفينا
بس الله ايسهلن عليناااااااااااااااااا يااااااااااااااااااارب
أحس بأشيااا غريبه تصييير فيني ,,من دخلت السابع,,أو بالأحرى على نهاية السادس…
أحس بثجل فظيييع,,,ولما أرقد على ينب ,,,أتيبس على الطرف اللي راقده فيييه..يعني كل سااعتييين أو ثلاث..أنش أرقد على الينب الثاني…بس والله ألم ومعاانااه,,
الله يصبرنا,على اللي بيينا جداااام….
><