يالمعرسات اكيد حسيتوا بتغييرات برياييلكم عقب العرس صح ؟
مثلا تصرفاته .. كلامه .. الهدايا .. المصروف .. المحبه .. التعامل .. السلوكيات
الطلعات .. السوالف .. اللهفه والرغبه الجنسيه .. الأحلام والأماني.. الطموحات .. الوعود .. وغيرهااااااااااااااااا
أبيكم تخبرونا شو الأشياء الي حسيتوها تغيرت فريلج عقب الزواج ؟؟ سواء للأحسن او الأسوأ خبرونا كل شي
وهل كل الرياييل يتغيرون عقب الزواج ولا لا ؟
وكيف تقدرين تخلين ريلج يحبج بنفس القدر والمحبه الي يقلبه لج خلال فتره الملجه ؟؟
انا عندي خوف انه يتغير عقب الزواج لاني ادري وايدين يتغيرون عقب الزواج
وأبي احافظ ع حبه لي خبروني كيييف ؟؟
الله يرزقكم الجنه ويحفظ لكم ازواجكم ويرزق كل بنووته بالزوج الصالح
الريال صعب يتغير بس اذا تعود عليج وعلى اسلوبج أكيد بيتغير
اولا من خبرتي بالزواج 10 سنوات انصحج ما تعاندين ريلج اللي هو حبيبج
اكسبيه خليه يتعلق فيج يحبج بدرجه جنونيه لاتبعدين عنه مهما كانت الضروف طلعاتج ومشاويرج وياه
ثانيا عطيه الثقه لا تسوين اي شي الا بشوره ورضاه في بداية الزواج بتحسين صعب شوي عليج لكن انتي الربحانه بعدين بيتغير وبيخليج على راحتج
لا تقارنينه بحد الريال مايحب المقارنه
ابتعدي عن اي شئ يضايقه
ابدعيله بالطبخ باللبس بالكشخه
دائماً دلعيه وادلعي وقوليله أنا دلوعتك
حسسيه ان دائماً معرس وان توكم متزوجين
اذا كان عندج عيال حاولي ما يزعجونه وخلي يلساتكم كلها رومانسيه وسوالف حلوه عشان ما يطفش من البيت ويحن للعزوبيه
سويله مفاجآت هدايا وقوليله ووينك من زمان حبيبي
عوديه على كلمات الحب والغزل والإهداء
اذا حب الريال حرمته صدقيني بيعيشون في سعاده و بيسوي المستحيل على شانها
*
اما الايجابي يحب اسرته ويخاف عليها
عسى الله يهديه ويحنن قلبه علي
يعطيج العافيه حبيبتي عالنصايح الي يايه من خبره وتجربه
ووايدين بيستفيدون منها كلهااا واقعيه وتخلي الريال يحب حرمته ويلسته معاها
بس ماوضحتي النقاط الي حسيتيها تغيرت فريلج عقب الزواج ؟ او ماتغير ابدا ؟
امين يارب عسى الله يهديه ويحنن قلبه عليج
هالأمور ماعرفتيها بالملجه ؟ عقب الزواج اكتشفتيها صح ؟
فديتج مثل شو وضحتي ؟
وكيف ممكن الزوجه تخلي ريلها مايتغير عليها او يتغير للأحسن اذا كانت عنده سلبيات؟؟