مرحبا الساع بكل من ينظم للتجمع أو يقرا ويتابع خلف الكواليس..
حبيت انزل موضوع خاص اندردش فيه عن بيوتنا وشو سوينا
وكيف قادرين اندير المنزل ونحن عندنا يهال..
بس انا عندي ياهل واحد بعدني في ببداية المشوار
اخاف يوم يكثرون اليهال اييب خدامه خخخخخ
لين الحين الامور طيبه عندي ومب محتاجه خدامه
انا اول ما عرست كانت عندي خدامه ريلي طالبنها قبل لا انعرس وعقب وصلت
وعلمتها وقامت تشتغل وما عيبتني وايد بس ما سويتلها سالفه قلت بتخلص مدتها وبفتك لكن كملت سنه واشردت ويا قروب خدامات
اتعرفن اني استانست قلت الحمدلله يوم يت منها فكه..
ماكنت حابه شغلها،،
ومن هاك اليوم لين اليوم انا بدون خدامه يعني سنه وشهرين
وانا من اسست بيتي من سنتين وشي مادري شوفن التوقيع..
خلاص قرقرت وايد يالله
وحده ادش واتخبرنا شو سالفتها وكيف ادير البيت
وسلامتكم
وخاااطري أمشي ع جدول … ف الترتيب والتظيف بس عيالي مخبلين فيني ….الله يعين بس
ماوراهم الا وجع الراس
بس على الاقل ياهل او اثنين والبيت يكون صغيرون على القد..
بس بيت كبير وحوش شطوله وعيال ما شاء الله بروحهم يبالهم حد يدير باله عليهم
ما اعتقد ينفع بدون خدامة..
وايد وايد صعبة عن تجربة مريرة ..
كملت 6 سنوات وشي من عرست
والحمد لله ما عندي خدامه ولا اافكر اييب
اصلا احس لو يبت خدامه من ثاني يوم بتشرد هع
والحمدلله قاعده في بيت بروحي وان شاء الله عقب سنه بالكثير بننتقل بيت اكبر والله يعطيني الصحه والعافيه واقدر اكمل حياتي من غير ويع راس ^^
انا اول ماارعست تميت سنتين بدون شغااله وعقب ريلي حب يكاافئني الان صاار عندي بنت وولد
وقاال لازم ترتااحين شوي
وبيني وبينكم كاان الشغل متعب وااايد
خااصه اني برووحي ومااعندي حد يشل اليهاال ونا اطبخ ولا انتظف
امممم
بس من يتني كرهتها
وتمت تتلعب مااتباا تشتغل
وعقبهاا قاالت مااريد اشتغل
وودااهاا المكتب ويااب لنا وحده غيرهاا كملت ويااي سنه وشوي
بس احس دووم تعااندني هيه زينه وامينه وااايد
وتحب عياالي واايد حتاا لوو يظربوونها ماا تقوول لهم شيء وواااايد حنوونه عليهم
بس خلاص انا هب طاايقتنها تكمل ويااي وريلي قاال ماابيسفرها الا يوووم تخلص مدتها
كل ماا اقووله ماابيها
يقوولي لا تبينها واايد شغل كيف بتقدرين ع كل شيء بروووحجج
حيااتي يحااتيني
بس جد ماابيها
اللله كريم وتمر الاياام بسرعه
من سنتين أتحولت بيت بروحي فيلا طابقين ومع هذا ما فكرت أييب شغاله، أحنا في البيت كلنا نتساعد يعني أنا وريلي وعيالي والحمد لله الأمور طيبه معايه مع أني الصبح أدرس في الجامعة. الحمد لله منظمه أموري وعندي وقت أهتم بنفسي. صدقوني البدايه بتكون صعبه عليكم لكن مع التعود كل شي يتنظم.