البنات اللي يربن قيصري في الكورنيش لسلامتك

بنات عندي كم استفسار
انا ثاني قيصريه ربيت في الكورنيش تعرفون يقولون انتي وحظج في الاستف اللي بيكون موجود
والحين ثالث قيصريه بس عندي كم استفسار
1) اذا حجزت غرفه خاصه بيعطوني والا خصوصا انه انا عندي موعد محدد مب مثل الطبيعي؟
2) موضوع المسكنات انا اول ولاده كانت في مستشفى خاص وكانوا يعطوني مسكنات في الوريد ووايد كنت مرتاحه اما في الكورنيش كانوا يعطوني ابره بس في ريولي تخليني ارقد لا تسكن ولا غيره طول الوقت راقده اذا خذت غرفه خاصه بيتغير الموضوع والا بيتمون يعطوني بس هالابره اللي ما منها فايده

بقولكم ليش اسال لانه اختي ربت مرتين في الوصل اول مره بدون غرفه خاصه وثاني مره بغرفه خاصه ثاني مره ارتاحت قاموا يعطونها مسكنات في الوريد وثاني يوم تمشي عادي مرتاحه الحمدلله مب انا تميت 40 يوم كانه اول يوم عمليه

يزاها الله الف خير اللي بتجاوبني

الله يهون عليج الغالية

للرفع

الابرة اللي في الورج اظني اللي تمنع التجلطات

المسكنات وايد مب زين حاولي ما تعتمدين عليها

الغاليه أنا ولادتي كلها قيصرية وبعدين إربي في الرحبة وأخذ نص بنج وعادي لازم تتالمين من العمليه بس تأملين مسكنات مثل البندول والباراسيتامول هاي تخفف شوي وبعدين انتي لازم ما تخوفين نفسح باليوم الثاني لازم تمسين مب طول الوقت راقدة او يالسه خلج طبيعيه ماشاء الله علي بعد العمليه باسبوع اسوق السيارة واطلع ما اخوف نفسي أبدا والله يسهل عليج.

صح كلامها والله و بعد العمليه ثاني يوم حاولي تشفطين بطنج عشان العضلات ما ترتخي و بطنج تنزل تحت

بالنسبة للستاف انتي وحظج أنا الستاف اللي ولدوني للأسف ما كانو متعاونين وياي و ما كان عندهم صبر ولدوني قيصري والحين مستحيل اربي عندهم مرة ثانية ولا ايي صوبهم وانتي انشالله تكونين محظوظة وربي يسر امورج