البشرة المختلطة مشاكل السمنة

السلام عليكم ورحمة الله وبركاتة

بنات اليوم راح نتكلم عن البشرة المختلطة او الدهنية واطريقة العناية بها ..

الي بشرتها مختلطة او دهنية تسدح طريقة عنايتها؟

في وايد ماركات طبية وحلوة وصوتو لافضل ماركة من حيث تجاربكم لها

فيتشي
بيوديرما
كلارنس
استي لودر
ان 7

والي تعرف ماركات ثانية وشو المنتجات ووضيفتها تكتبها وفميزان حسناتها ..

أنا بعد بشرتي مختلطه وطرحت سؤال عن غسول الوجه من ماركة بودي شوب بس للأسف ماحد يجاوب بصراحه ماشي تعاون من الخوات ويوم يسألون سؤال يحشرون الدنيا عسب يردون عليهم ؟؟؟

كان ودي أساعدج بس الصراحه أنا ماهتم وايد لهالأمور يعني من بين الماركات اللي ذكرتيها جربت بيوديرما غسول الويه والموستورايز واااااااااااايد حلو وهي ماركة طبية وأتمنى اتحصلين تفاعل مع الموضوع

انا بشرتي مختلطه

ماخليت شي ماجربته وماحسيت بالرضا
سرت صيدليه بوتس ونصحوني اني اخذ No7
عطوني غسول و كريم عنايه للنهار و كريم علاجي للهالات السودا

والله عجيب وارتحت له وبشرتي ابدا ما تدهن من عقب مابديت استخدمه وحسيت وحد لي لون ويهي
والمجموعه بتخلص واحين برد اطلب مره ثانيه

وهيه صح انصحكم تاخذون فايتمن سي عندهم شي خيال وايد حلو يعطي اشراقه للويه ونضاره

انا بشرتي مختلطه لدهنيه
تجاربي مع ستيب ٣ من كلينيك ، غسول و تونر و مرطب .. مجموعه لاباس فيها بس احلى شي التونر رقم ٢ ، و لو اني استخدمه بعد الغسول بس يطلع بلاوي من ويهي و يمنع الحبوب ماقدر استغني عنه استخدمه للويه و كتفي لانه تظهر لي حبوب من فتره لفتره

جربت ماركه كيلز kiehl’s و كل ما اقول بغير عنها ارجع لها غصصصصب رووعه للعنايه بالبشره المتخلطه
كريم فيه السيلاسيك اسيد يعمل تقشير خفيف للبشره و يعالج الحبوب و يمنع الحبوب اليديده من الظهور و يوحد الاثار الناتجه من الحبوب
جربت التونر بخلاصه البابونج حلوو
الغسول له تآثير مبرد عالبشره رووعه
و سيروم مفتح للبشره و موحد للون .. روعه عن تجربه و نصحتني اللي تبيع ف محلهم اني استخدمه ع الاماكن الحساسه لتفتيح و فعلا حلوو ياب نتيجه
و سيروم مقشر للبشره و نفس الوقت مرطب عميق للبشره . يستخدم مرتين بالاسبوع

لي عوده باجر بالمنتجات الثانيه الحين برقد

حبيبتي ممكن أعرف اسم المجموعه الخاصة بكيلز اللي ذاكرتنها من كريم وتونر وسيروم ؟؟؟؟؟؟؟؟
ويزاج الله خير

هي كاتبه اسم المجموعه اسمها ( ستيب ظ£ من كلينيك )