خواتي انا عندي مناسبة خاصة شوي
و حجزنا ف فندق
و عندي ولد عمره 4 شهور
وما جد جربت اني اطلعه في فندق او مول او مكان بالعربانة
اخاف يلعوزني يعني حدي اوديه بيت يده و يدته بس انه مكان عام فيه ناس استحي يمكن يصيح
و فديته يوميا الصبح عند والدتي
و ما ادري هل اوديه عندها ولا عادي اوديه معاي الفندق !
يعني بنتريق و نطلع نتمشى اخاف يبهدلني
محتارة انتوا تودون عيالكم الصغار
عليج با العافيه تركيه عند امج او امه عادى
بيبي فهالعمر بيبهدلج .. وبيتم يصيح وكل شوي يباله رضاعه وتغيير ومادري شو
منها تكونين مطمنه عليه وريلج يتعود ع مسؤوليه
الطفل بينكم، والعمر جدامكم ما يت ع مناسبة وحده
عشان تخلينه باجر بيكبر الولد وما بتضطرين تشلينه . .
خذيه وياج احسن لج خاصة لو كان أول ياهل
أنا أشل ولدي وياي وما أشوف أي مشكله
ما أحب أخليه إلا كم ساعه بس لو سرت الصالون أو أقضي شغلة مهمه
أما مبيت في فندق أو روحه لإماره ثانيه أكيد وياي
وياما احتفلت بمناسبات ويا ريلي وولدنا ويانا
فديته لا يلعوز ولا شياته
بالعكس محلي المناسبه 
موفقه غلاي