افكر بالطلاق المومة و الطفل

ااااه يا بنات وربي مب عارفه وين أبدى وشو أقول ..يمكن اللي صار لي ماصاار لوحده فيكم
حد يرضــى بالخيانــه ؟؟؟ شو شعوركم لو تحبون شخص وهالشخص اللي تحبونه يخونكم لا وتشوفون الخيانه بعينكمــ؟؟؟!!!!

بخبركــم قصتيه وأباكم تحكمون وتخبرونيه شو أشوي دخيلكــم تعبت والله!!!

الله يسلمكم كنا طالعين أنا وريلي رايحين دبي والحمدالله كنا مستانسين وصلنا بالسلامــه دبي
ونزل ريلي الفندق عسب نحجز غرفــه نبات فيها هاليومين ويوم كان نازل خلص رصيدي وقلت بدق حق امي ابويه كان تعبان وبغيت اطمن عليه وعادي متعوده أشل تلفون ريلي وشليته وياااااااااااااااااليتني
ماشليت التلفون ((((صور وحده ومسجات)))
المهم شفت التواريخ و تفاجأت انها قريبه ..

انا ماقصرت وياه الحمدالله مهتمه بعمري وأسأل عنه دووم واترياه فليل متى ما يرد ..
نحن تونا معرسين ما كملنا سنـــــــــه !!! بس اللي صدمني انه ليش جي سوى سألته تفاهمت وياه
بس يقولي هاي أعرفها قبل لا أخذج …
مب عااااااااااااااارفه شو أسوي يا بنات دخيلكم انا في بيت اهلي ومحد يعرف بالسالفه
قلت لاهليه انيه يايه ارتاح كم يوم … اسأله ليش !! انا قصرت في شي

انا عقب ماشفت المسج رحت عنده الغرفه فوق عسب نتفاهم ومااوصلت لحل وياه
كل كلامه هذا ماضي ؟؟اوكي انت ليش تعيد الماضي؟؟؟؟؟؟؟؟؟؟؟؟؟؟

انا افكــر بالطلاق!!!!!!!!!!!!!!!

لاياختيه صبري مش بهالسرعه تفكرين بالطلاق هو مقصر فيييج ؟ يحبج؟
يخاف عليج؟
فكري فالاشيا الثانيه ومب يعني انج تتغاضين لا حاولي انتي تخلييينه يودر هالسوالف اذ شفتي انه مب قادر القرار بيدينج

يمكن يكون ماضي حتى وان كانت حاضر الطلاق مب حل لو كل وحده كشفت خيانة ريلها تطلقت عيل نص الحريم مطلقات او اغلبهن

اكسري الشر وابعدي فكرة الطلاق عنج تفاهمي مع ريلج بالين الريال يوم تعصبين وتسألين يزيد في خرابيطه

الله يصلح بينكم يارب

لالالالالالا لا تفرطي بريلج بهالسهولة
انتي الاصل انتي الواقع هي ولا شي هي ماااااااااضي وحتى لو كانت حاضر بتظلي انتي زوجته
جذبيه لج ولا تتخلي عنه بسهولة !!
يمكن كان ماضي , يمكن غلط بس اكيد يحبك والحب يغفر الزلات
سامحيه وارجعي له واغمريه بحبج وحنانج وأملي وقته كله بحيث ما يكون عنده وقت لغيرج ابداااااا

اختي
للاسف..معظم الرياييل الحلين جيه..يا على الشات ولمسن والا في التيلفونات ولا ممكن انه يقابلها ويطلع وياها
اول شي انتي تاكدي …زوجج بس مكالمات ولا طالع وياها
اذا مكالمات فيه امل منه..ممكن ينصلح ان شاء الله..وفي طرق وايد وحريم وايد قدرن يستردن ازواجهن..دوري في المنتديات واسالي استشاريين
بس اهم شي يكون عندج الصبر والرغبه في الاستمرار معاه

اختي الطلاق ماهو حل ابدا وهاي اول مشكله شوفي حبيبتي نص اكثر الشباب المزوجين لهم علاقه ثانيه ولي تقول لا هاي اسمحولي مب عايشه وسط الناس خليج ذكيه انتي حلاله مب هي لاتخلينه كلميه ذكريه بذنبه و ادعي بقيام الليل انه الله يهديه حبيبتي فرضنا اطلقتي لا سمح الله و تزوجتي مره ثانيه واكتشفتي انه زوجج الثاني له علاقه بتطلقين جاوبي نفسج هل الطلاق حل لا دام تزوجتو اوقفي وفقه قويه وحاولي تجربين منه حسسيه انه انج تحبينه وحاولي اكثر اوقات تكونون مع بعض لما بيطلع طرشيله مسجات حلوه مثل اشتقت لك وغيره بلعربي حاولي تغازلينه مب عيب هاذا ريلج انتي تغازلين ولا تغازله وحده غريبه ما اعرف اذا فكرتي وصلت لج بس حلي المشكله بذكاء لانه والله والله الطلاق مب حل باجر بتحملين وبيهتم فيج وانشاءالله الخوات بساعدونج بس لاتفكرين بطلاق وهاي اول مشكله الحياه طوييييييله وفيها الحلو والمر انتي بعدج بأول الطريج فكري عدل والله يوفقج دامه يحبج ومعاملته زينه وياج اتني تقدرين تغيرينه