الخبيرات في هالسوالف بغيت شوركن
لما اعطي الشغاله معاشها تراها اطرشه كله لبلادها
ويوم ترا نشتري اغراض البيت من شامبو وصابونوتكرمون ادوات النظافه الشخصيه فانا اعطيها من عندنا عن طيب خاطر
لكن شكلها فهمت السالفه غلط او انها تستغلنا وتتمادي. بالطلبات
خصوصا اني كل ما اقول لزوجي ما باخذ لها كل شي تطلبه يقول لي لا حرام فقيره وتشوفج تتشرين اللي تبينه بيتم في خاطرها وبتحقد
بطاقات التلفون علي لاني مارضيت اعطيها موبايل اعبي لها في موبايل عندي واخليها تتكلم
كل يومين مسجات لبلادها علي حسابي
رحنا مونسووون شافت اكسسوارات عجبتها وقالت لبنتي خل مدام تشتري لي (ماشريتها كانت فوق المية درهم) وقلت لها هذه وااايد غاليه عقب باخذ لج وخذت لها عقب ارخص
شكلها تشوفني لما اصرف علي اغراض اليهال للعيد وتقارن
كريمات للويه تبي علي حسابي ساعاتها اختربن مطرشتهن مع اليهال تقول خل مدام تصلحها لي
انا اشوف الوضع فيه استغلال وريلي يشوف انه حرام اخذي لها لايستوي شي بعيالنا
وهي عارفه ان الشغالات اللي عندنا وعند خواتي ما ياخذون غير الراتب وباجي الاشيا عليهم
انا اعطيها 700 وبييب وحده ثانيه عن جريب بس لليهال فمعناته الخسر غير المعاش خسريين??صح والا
وترا متحملتها لا فالحه بالطباخ ولا شغل البيت يعني اعطيها 60٪ غير مدت البوز والوغاده مع اليهال
*
انتي عليج تشترين لها الاغراض الاساسيه من شامبو وصابون وهالسوالف
واذا هي خاطرها بشي تاخذه من معاشها انتي مب مجبوره تاخذين لها واذا على سالفة اليهال اذا سوت فيهم شي سفريها وريحي راسج
نحن خداماتنا مرات يوم يطلبون شغلات مرات نحن نشتريلهم عن طيب خاطر ومرات نوديهم الجمعيه ياخذون اللي يبون على حسابهم والرصيد من عندهم مب من عندنا
والله يعطيج خيرهم ويكفيج شرهم
بالنسبه لبطاقات التلفون?
طيب لما اتروحين تشترين ليش تاخذينها معاج خليها فالبيت ..
او قبل لا تطرش معاشها خذيها عندج السوق وخليها تشتري من معاشها ..
بالنسبه للشامبو والصابون .. او ما توصل هي من بلادها طبعا شي طبيعي انتي الي بتشترينه …
وبعدها بشهرين او ثلاثه اشتريلها مره ثانيه … لكن لو لاحظتي انها كل شهر تطلب شامبو .. << في هذي الحاله في احتمال انها هي ما اتخلصه واتحتفظ فيه عشان بعدين يوم بتسافر .. >> اذكر وحده من خدامه الاهل لما الحرمه راحت تفتش اغراضها حصلت الشامبو والصابون جديده ومب مفتوحه …
بالنسبه لبطاقة التيلفون اول ما توصل اتكلم اهلها بفلوسنا
لكن بعدين نحن نقول للخدامه هي تشتري من معاشه .. انا لما اعطيها الراتب وهي تطلب مني اطرشه بلادها أسألها اول شي تريدين تاخذين مبلغ عشان تشترين بطاقه ..
والخدامات انا اشتريلهن بطاقه اتصالات الي نستخدمها للهاتف الثابت ( تيلفون البيت ) = 20 درهم
والحلو فالبطاقه ممكن تستخدمينها عن طريق الموبايل والخدامه تتكلم قد ما تريد وفي حالة اتكلمت شوي بس ممكن تحتفظ بالبطاقه عشان تتصل بعدين وقت ثاني … وحتى لو كان تيلفونج فيه رصيد وهي تتكلم وخلصت البطاقه راح ينقطع الاتصال >>> الا اذا هي اتعرف تستخدم المبايل يمكن تستخدم رصيدج بعد…
واحيانا ما يكون عندهن فلوس فانا اشتري لهن بطاقه لكن لما اعطيهن الراتب اخصم من رواتبهن
اختي وبعدين انتي اتقولين بتكفلين خدامه ثانيه .. اتخيلي كل وحده منهن تطلب بطاقتين بالشهر وغير الطلبات الثانيه
عليج بس اشيائها الاساسيه اول ما توصل
ملابس
يونيفورمات عدد 4 او 6 +جاكيت للشتاء + جوارب +ملابس داخليه +نعال للبيت
وتوفريلها لنظافتها الشخصيه
فوط – شامبو-صابون – مزيل العرق -فرشاه – مشط – شباصات للف الشعر -كريم لليدين -فازلين – قراضة اضافر – فوط صحيه للدوره الشهريه
بعدين اتيبيلها الي يخلص مثل الصابون والمعجون الخ ..شهريا هذا اذا طلبت
انا خدامتي ما تطلب الفوط الصحيه تعطي بشكارات هليه ايبلها النوع الي ترتاحه والباقي من يخلص تطلبه
بعدين بالنسبه للبطايق التيلفون اول ما يت نعم يبتلها بطاقه ومن عقبها هي تتكفل بمكالماتها اذا تبى ترمس هلها شو يخصني انا
اشيائها الاساسيه موجوده عندها غير جذيه هي توفر لنفسها الكماليات
سبحان الله لو انخاف الله فيهن بس ما فيهن خير .
اما باقي الاشياء من البدايه فهميها ان لو طلبت شي ينخصم من راتبها لان الخدم طلباتهم ما تخلص يقارنون نفسهم فيج وفي عيالج…
بس لو بين فتره وفتره تشتريلها شي عن خاطرج اوكي بس لا تعودينها هي تطلب
تراها ماتغربت الا للحاجه ……
وال 700 اذا اشترت منها اغراضها وبطايق تيلفونات كم بيبقى عشان اتطرشه لاهلها ……
نحن مانقصر مع خدمنا ولله الحمد ماشاء الله اقل وحده عندنا مكمله خمس سنوات …..
ترى الاحسان له اثر طيب وبتشوفين هالشي بعينج
موفقه
