بنات اليوم يبتلكم قدره قاااادر من احد المدونة
وطبعا جربتها وسويتها اكثر من مره
وضبطت معااااااي من المره الاولى الحلو فيها ان الكريم كراميل نفس الكراميل العادي
ويمي
انا حطيت كاكاو في خليط الكيك وصراااحه شكلها طاااااالع روووعه
هذا تطبيقي
الطريقه
اولا ذوبي كأس سكر عشان لم تجي تقلبي الكيكه تنقلب لكي بسهوله
ذوبي السكر وخليه في القالب زي الصوره
وبعدين اعملي الكيكه اللي هي عباره عن
ضعي في الخلاط
2 حبات بيض
كاس سكر
كاس حليب سائل
كاس الا ربع زيت
نصف ملعقه فانيليا
اخلطيهم كويس لمده 3 دقائق حتى يتجانس الخليط
وبعدين انخلي كاس ونصف دقيق مع ملعقتان صغيره بيكنج بوده ورشه ملح وضيفي الخليط السابق الى الدقيق
(على فكره انا بحب كثير انخل الدقيق قبل الاستعمال)
واحركيهم كويس من تحت لفوق لمده دقيقتان اوك؟
وهذه صورتها
الان صار بيكون قد ذوبتي السكر وخليته في القالب وعملتي الكيكه وخليتها على جنب
نجي لعمل الكريمه
خوذي ظرفان من كراميل كراميل وهذا السر في الحلا اني بعمله بالكريم كراميل الجاهز لاني بصراحه مابحب طريقه عمل الكريمه في البيت
حطي 4 كاسات ماء في قدر مضاف اليها ربع كاس سكر و8 ملاعق حليب بودره حركيهم كويس وخليهم على النار لحد مايبدأ يغلي الحليب وبعدين ضيفي عليها الكريم كراميل وحركيه لمده دقيقه
وبيكون معاكي زي الشكل هذا
ملاحظه:
اعملي الكريم كراميل اخر شي عشان لو عملتيه من البدايه راح يجمد معاكي
الان كل شي جاهز
الان جيبي القالب طبعا السكر يكون مذوب فيه وحطي عليه كراميل كراميل وفوقه الكيكه طبعا لم هتشوفي شكلها هتقوي شكلها ماراح تصلح
لكن لاتخافي راح تطلع معاكي مره لذيذه
وعلى فكره لوحبيتي تكون الكيكه سوداء ممكن تعملي عليها 3 ملاعق كاكاو ولو العكس تريدي الكريمه سوداء اضيفي عليها 3 ملاعق كاكاو او ممكن تشتري كريم كراميل بالشكولاته لانه صار متوفر في الاسواق
وهذا شكلها قبل لاتدخل الفرن
وطبعا خلي قالب الكيكه بين صحن ااوسع منه وخلي فيه ماء (((((اهم نقطه)))))))
وخليه بين الفرن لمده 40 دقيقه ولاتفتحي الفرن الا بعد انقضاء المده
وخرجيها من الفرن بالراحه ولازم تكوني لابسه قفازات عشان لاتحرق ايدك
وبعدين دخليها الثلاجه لمده 4 ساعات وخرجيها من الثلاجه وخليها لمده عشر دقائق ولو انتي مستعجله جيبي منشفه وغمسيها بين ماء حار وخليها على القالب وان شاء الله تنقلب معاكي
وشوف كيف شكلها النهائي
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن
تسلم الايادي حبيبتي ..
بس عندي كم سؤاااال
شكلج خربطي بالكتابه لانج كتبتي انج حطيتي الكريم كراميل اول وفوقه الكيك
(الان جيبي القالب طبعا السكر يكون مذوب فيه وحطي عليه كراميل كراميل وفوقه الكيكه طبعا لم هتشوفي شكلها هتقوي شكلها ماراح تصلح)
واللي مبين في الصورة انه اول الكيك بعدين الكراميل صح ولا انا غلطااانه !!!
ثاني شي .. لااازم احطي صحن خارجي واحط فيه ماي ؟؟؟ ليش شو فايدته ؟؟؟ وما بيغلي الماي لو حطيته بالفرن ؟؟؟
اسمحيييييييييلي ع الازعاااج بس خاطري مرة اتفلسف وادخل المطبخ اسوي شي مثل العالم والخلق
مايخصصصصصصصني في المطبخ الا اذا سويت شي مايحتاج طببببببخ سنفورة مثلا ^^
ههه
فديتج تسلمييييييين ع الطريقه لا هنتي
مره جربت وصفه ثانية و ماضبطت معاي
ان شاء الله بجرب هاي يوم من الأيام
الكتااابه صح
الحين بخبرج باختصار
اول شي اذوبين السكر في القالب
ثاني شي تكونين جهزتي خليط الكيك
ثالث شي تسوين الكريم كراميل وعلى طول بعد ما يستوي تصبينه فوق السكر الي جمد في القالب
ورابعا توزعين الكيكه في القالب فوق الكريم كراميل …
وتحطينها في صحن اكبر منها فيه ماي حار…. وادخلينها الفرن((( يعني تطبخينها في حمام مائي))
لانج لو حطيتيها بدون حمام مائي بيفور الكريم كراميل وبيخرب الدنيا
ويوم تطلع من الفرن على طول في الثلاجه على الاقل اربع ساعات …
قبل ما تجلبينها حركي الجوانب شوي …. وحطيها في ماي حار بس من تحت عشان السكر الي جمد يسيح وتنجلب الكيكه بسرعه
فلما تجلبينها
بتكون طبقه الكيك تحت والكريم كراميل فوق