دكتوره سميه عنون وثاني مره دخلت عند دكتوره هنديه اسمها جاست
وهالمره دخلت عند دكتوره اسمها سوزان والصراحه ابغي اعرف منو
احسن لاني اربي بعمليه قيصريه وهالمره الثالثه اللي بربي فيها
ومب عارفه هالمستشفى ليش ما يخلوني عند دكتوره وحده
والدكتوره وفاااا بعد اوكيه
يعني لو بتربين فيه عادي اي حد يولدج …
أنا لما كنت منومه عندهم كنت في شهري الخامس عشان نزل عندي ماي ..في الليل قالت لي دكتوره هنديه عادي لا تخافين راح تكونين تحت المراقبه… والصبح دشت علي دكتوره عراقيه ما انتبهت لأسمها وقالت لي بدم بارد وهي تضحك بعد
( احتمال الماي يخلص ويموت البيبي)) اتخيلي في دكتور يقول حق مريضه هذا الكلام… للحين ما انسى كلامها ال…… وعلى طول اتصلت بريلي وانا ميته من الصياح وجان يتولاها وعقب طلب ريلي دكتوره وحده هي اللي تشرف علي اللي هي آنديرا الهنديه والحمد لله كملت في المستشفى الين السابع واسبوعين من الثامن وولدت ويبت بنوته أموره فديتها أنا حبيبة قلبي …
انصحج خلج على وحده بس أهم شي تكون عارفه شغلها وما تسمعج كلام مثل السم عشان نفسية الحامل بسرعه تتأثر بالخصوص لو كانت السالفه تخص جنينها اللي شالتنه في بطنها..
وان شاء الله تربين وتقومين بالسلامه
لا لا بس انا اختي تشتغل في المستشفى ،،، وكله تربي هناك
بس اختيه العووده شراتج تربي بقيصري كل مره
بس هي كل مره تراااااجع عند الدكتووره سميه
ووااايد تمدحهاااا ،،
وعلى فكره يمكن انتي لازم تقولين لهم انج تبين الدكتوره لفلانيه
عشان يعطووونج مراجعه على نفس يوم دواااام الدكتووووره اللي تبينها
^_^
بس ما ادري اذا الحين تسير مستشفى صقر ولا!!
اممممممم انتي سيريلها مره فمستشفى راك واساليها
واذا تقدرين عمصاريف المستشفى انصحج ربي فيه لانه وايد نظيف
وخدمتهم اوكي والدكتوره اللي تبينها اتابعج لين تولدين