ارضع والا احمل لصحة الجسم

هلا خواتي…..

عندي استفسار بخصوص الحمل والرضاعة،،،
عندي بيبي يرضع بعده واحنا كلنا ندري انه الرضاعة الطبيعية حولين كاملين ومذكورة فالقران الكريم… فهل الوحدة لو حملت وبعده ولدها يرضع طبيعي ما كمل سنتين يأثر عالحمل…
أنا افكر احمل بس بعها البيبي مالي ما كملت سنتين وهي تأكل بس لازم ترضع طبيعي ،، مع العلم أني حملت من بعد ما يبتها والله ما كتب لي نصيب…
أحين أخطاط للحمل فشو اسوي افطمها والا أتريا لين ما تكمل سنتين واخطط للحمل؟؟؟؟؟؟

حبيبتي اذا انتي تبين تحملين افطميها واحملي عادي ما ياثر على الحمل مب ضروري تكملين سنتين انا فطمت بنتي الكبيرة وعمرها سنة و7 شهور وحملت بعدها عادي في بنتي الثانية وهي الحين عمرها سنة و5 شهور

تريدي نصيحتي كملي لرضاعه اذا صحتك طيبه واذا بنتك او ولدك من النوع المتعلق فيك كثير افطميها

أنزين شو اسوي ما تبا وخاصة فليل ما تنام الا ترضع

يعني ما تأثم الام لو ما رضعت طفلها حولين كاملين؟؟؟

عادي فديتج ياما أمهات حملن وعيالهن عمرهن شهرين والأمور طيبة ماصار الا الخير استخيري ربج واتوكلي وربي يرزقج الذرية الصالحة

اختي الايه تقول : " وَالْوَالِدَاتُ يُرْضِعْنَ أَوْلادَهُنَّ حَوْلَيْنِ كَامِلَيْنِ لِمَنْ أَرَادَ أَن يُتِمَّ الرَّضَاعَةَ"

كدراسه نحن عندنا اهم شي اول 6 شهور رضاعه بعدها يوم يدخل الاكل يهون الموضوع …واشوف الياهل الي يكمل سنة وشي وهو يرضع ما يضره لو فطموه