بغيت آخذ رايكم في شغلة تخصني .. بصراحة و بكل صراحة حطي نفسج مكاني .. اذا حد من أهلج أو اقاربج خالج ، عمج ، بنت خالتج ، عمتج ، بنت عمتج ، اختج ، بنت أختج أو أي حد ظلمج و هانج و سبّاج و انتي في بيتج و تكلم عن شرفج جدام ريلج و ظربج و تكلم من وراج جدام الله و خلقه
(( لكن انتي بعد ما سكتيلهم و طلعتي كل اللي في قلبج و رديتي عليهم الاساءة بالاساءة)) لكن هم اللي بدوا بالظلم و البادي أظلم
و طبعا زعلتي منهم و اتخذتي موقف و حلفتي انج ما بترمسينهم مرة ثانية ليوم الدين و لا بعمرج ما بتدوسين لهم بيت .. و ان شفتيهم في مكان بتنكرين وجودهم
لكن عقب سنة .. يولج و طلبوا منج السماح و طلبوا منج تفتحين صفحة يديدة وياهم و يا دار ما دخلج شر .. و خلال هاي السنة و هم يطرشون لج مسجات ع موبايلج في جميع المناسبات و انتي ما تردين عليهم ((معذورة مب قادرة تنسين اللي سووه فيج))
لكن المشكلة انه اتيي امج أو ابوج أو شخص عزيز عليج وااااايد و يقولج سامحيهم و أنسي الماضي و افتحي صفحة يديدة عشان خاطري .. خصوصا أن نحن في شهر فظيل تنفتح في أبواب الرحمة
بتسامحينهم ؟؟
و بتنسين كل اللي سووه فيج ؟ و بتقولين انا بعد ما قصرت و خذت حقي منهم عدل .. يعني استويتوا متعادلين .. انزين و لو سامحتيهم بتردين نفس الاول سوالف و ظحك و تبادل زيارات ؟ ولة بتحسين ان في شي انكسر بعلاقتكم العائلية و صعب انه يرجع مثل أول ؟؟
أرجوكم خواتي ساعدوني انا في حيرة من أمري .. اخاف اسامحهم و يردون شرات أول .. و أخاف أطيح الميانة وياهم يتحسبوني من غير أحساس و ما عندي كرامة .. و أخاف ارفض اصالحهم يمكن ربي بيحاسبني على قطع صلة الرحم و هذا حرااااام
بس شسوي ماني قادرة أنسى اساءتهم موووول
و المثل يقول العفو عند المقدرة ,, و أنا ما عندي مقدرة
ساعدوني
سامحيهم لكن خذى الحذر منهم
وتعاملى معهم بكل جديه
والله غفور رحيم
سامحى لوجه الله
المشاركة الأصلية كتبت بواسطة زم_قمر_ان 
سامحيهم لكن خذى الحذر منهم
وتعاملى معهم بكل جديه
والله غفور رحيم
سامحى لوجه الله
مشكورة اختي ع النصيحة
لكن شو تقصدين بكل جدية ؟؟
يعني ما اسويلهم سالفة يوم اشوفهم غير السلام و خلاص و ايلس ساكتة في ميلسهم ؟؟
احس بيكون شكلي غلط
لاني كنت متعودة على الظحك و الغشمرة وياهم ؟؟
يعني اراويهم ويهي الثاني مثلا ؟؟
و الله ماعرف كيف اتصرف وي هالبشر ؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟
؟؟؟
؟
لكن تذكري ان الله عفوو يحب العفو عن النااس ويغفر خطااياا أعظم سبحاانه 0
ونحن مجرد مخلوقاات تسيرهااا مشااعرهااا فلاااازم نتحكم بنفسناااا وليس العكس فديتج
تحكمي بنفسج وجااهديهااا ويوم يوسوس لج الشيطاان تعوذي منه الف مررره 0 لان قطع
الارحاام مب شي صغير وهين وأقبلي بنفسج على الخير عزيزتي ^_^
ونحن مااا نطلب غير رضواان الله من تعاملناا مع البشر 0
التمسي العذر لاهلج وأجرج من رب العالمين كبير ان شااء الله والمساامح أكرم
وأحب عند الله حبوبة 0
الله يهدي النفوس وينولج الخير ياارب
نترياا البشاارة بالصلح عنوووني
ومثل ماقلتي الاب والام يضغطون عشان يتـم الصلح لكن الجـرح كبير والايام مامحتـه !!!
العفو عند المقدرة
والمصيبه اهم اهلي جوووفي انا لليوم ما ادخل بيتهم ولا يخصني فيهم بس اتوااصل مع وحده بس ومن سنه حسنه اما الاولاد وطبعا مب كل هم ايون بيتنا ويسلمون بس نحن مستحيل شرات ما تقوولي نااس اساااؤؤه لج ولشرفج بعد توثقين فيهم جوفي الحيااه صعبه والوااحد يكون قوي ياا حبيبتي
بتقووولين بتسامحينهم ؟؟ هيه بساامحهم بيني وبين ربي بس بكوون قهر بقلبي ع الشخص الي اساااء لي
ومستحيل اتعاامل ويااه اصلا كيف اثق فيه بعد ما رمس عني هذااا اي منطق صح نحن طيبين بس الا شرفج وشرف اهلج بعد شوو ناااقص اكثر من جي …
و بتنسين كل اللي سووه فيج ؟ كيف انسى شخص رمس عني بسوووء
و بتقولين انا بعد ما قصرت و خذت حقي منهم عدل .. يعني استويتوا متعادلين .>>>بس انا بقولج البادي اظلم واهم الي بدووو ولازم الوااحد يداافع عن حقه والحمدلله انتي شكلج خذيتي حقج وانا بعد ما قصرت ادبتهم ادب …
. انزين و لو سامحتيهم بتردين نفس الاول سوالف و ظحك و تبادل زيارات ؟ عن نفسي شرات ما قتلج مستحيل بعد انا ما اظمن يأذوني ابعد عن الشر من البدااايه صح ولا ؟؟؟
ولة بتحسين ان في شي انكسر بعلاقتكم العائلية و صعب انه يرجع مثل أول ؟؟ اكيد اكيد وها احسااسي للحين والحمدلله ما يخصني فيهم ومرتاااحه وااااااايد وان شااءلله بتخرج وبشتغل ومحد يهمني اهم شي اهلي انهم مرتااحين
اسمحيلي انا ما قصدي اخليج ما تساامحين وترجعين ويمكن مشكلتج غير عن مشكلتي ويمكن اصعب ولا انا !!
بس انتي سألتي وهااا رأي بناااس الي ظلموووني اسااامح صحيح بس بيني وبين ربي واصلا اهم ما طلبووه السماااح !!!!
بس نصيحتي داام انتي مرتااحه ويا اهلج شوو تبين بنااس اساااووه لج اووكي بتساامحيهم بس نصيحه ابد لا تقتربين وياااهم شرات قبل وخلج سطحيه ترى الحيااه صعبه حبيبتي …
واذا تبين شي انااا حااضره ومن عيوووني بس ع لخااص لانه يمكن ما ارجع لموضووعج 
والله يوفقج