شحالكن خواتي..؟؟عساكن بخير..
خوااتي انا ففترة نفاس اربعين يوم..طبعا بدون اطفال يعني ربيت طبيعي بتوام بنتين بس فقدت الثنتين وكان حملي البجر..وافكر فالحمل بعد الاربعين على طول..جسمي بعد الحمل الاول وااايد وااايد اخترب وزني وصل39وايدي الله لايراويكم من فوق شرات حجم اللي تحت جنها عوود وريولي نفس الشي..تعبني الحمل الاول واايد وابي ازيد وزني عشان ما اتعب فالوحام والحمل الياي ان شاء الله..انا كلمت الدكتورة بخصوص ادويه تنفختي قالتلي ماتحتاجين غير الفيتامينات..انتي طبيعة جسمج جي وما انصحج بحبوب تنفخج وغيره..انتوو شو رايكم..؟؟شو الاشياء اللي امشي عليها عسب امتن واهيء جسمي للحمل الياي..
يعني لا تعتمدي ع صنف واحد لا يحرمج ويعوضج عن الي فقدتيهم ولاتنسي تنوعي في اكلج…………..
والاستغفار يالغاليه عسب ربج يعطيج القوه والصحه ويثبت حملج انشالله
خلي اكلج صحي متنوع بين الفواكه والخضروات الالياف وكل شي له فايده
وخذي فوليك اسيد من الحين الين تحملين باذن الله
والفيتامينات خلي الدكتورة توصف لج فيتامينات مفيده
ومكتوب حبيبتي والحمدلله ع كل الحال المهم انج بصحتج ,,
واهتمي باكلج بانج تاكلين الاكل الصحي هب ادورين الشي اللي ينفخ وبس,,
يعني حاول تخلين عيشتج متكامله من كل شي ,,
وخلي جسمج شوي يرتاااح خلااف فكري بالحمل ابدى صحتج فديتج
المشاركة الأصلية كتبت بواسطة مراحب الحلوة 
انا بعد جي اقول بس كيف حملتى بالتوم بالادويه والمنشطات ولا طبيعي ؟؟؟؟؟؟؟؟؟؟؟؟
وكيف ولدتيهم طبيعي وهم متوفين ؟؟
وماله الضعف والمتن بالتعب في الحمل ( لانه كل حمل عن حمل يفرق في حمل متعب وفي حمل مب متعب كله تساهيل من رب العالمين )
ولا تسمعين كلام حد اللي يقولج ارتاحي عادي احملي بالوقت اللي تبينه وماعليج شر ان شاء الله
والله يرزقج بالذريه الصالحه ويعوضج عن بناتج اللي فقديهم