بغيت مشورتكم في مشكلتي مع زوجي والحين من ثلاث سنسين وانا اعاني.
ارجو من الكل يتفاعل ويايه وينصحني اذا انا غلطانه. ومارجعتلكم وانا متاكده ان الله بيفرجها عليه .
ومشكلتي ومع زوجي انا انعدام المشاركه مايحسسني انه زوجي. كل حياته معصب ويرفع صوته عليه جدام
اهله والخدامه. كاسر هيبتي ماقدر اخذ راحتي يوم هو موجود احسبه شرس من ناحيتي. اذا تكلمت معه يسكتني
بسرعه و اوقف من الكلام معه. احسبه غريب عني ما اقدر التعامل معه لانه شرس بنسبه لي واخاف منه وايد.
اذا طلبت يوديني مكان قال لا ويكبر راسه عليه. انا تعودت على هاي الحياه فاقده زوج وهو عندي. مايحب اهلي
ودوميقولي انتي شو تعرفين انتي ماتعرفين شي فالحياه ودوم يحطم من شخصيتي تعبت من حياته لين متى.
والغرفه مايدخله غير فليل وقت النوم وبعد مايكلمني تعبان بيرقد تعودت ماتريه لانه رفض كل شي مني وينام هو
بصوب وانا بصوب ودوم قوله غير اسلوبك معايه عشان خاطر عيالك وراض يغيره يقول لو اموت ما اغير اسلوبي وياج
الحين كلمني وقال سويتي عشاء قلتله لا ونحن عايشن مع اهله يتكون من ثلاث بيوت والعشاء لازم يستوي ولان طباخين عندنا
قالي سويتي عشاء قلتله لا قال لين متى بتمين انتي جذيه لانه طول هالاسبوع ايب اشياء عشان اطبخها وانا مو فاهمه شو قصده
وانا ما قصرت سويت كل شي يبيه وهو مو شاكر عليه وهو يقول ليش ماتي منج وتقولين هات هالشي عشان اسوي عشاء ويقول
انتي طلبتي مني شي قلتله انا ما اقدر اطلب منك شي لاني انت رافض طلبي
ساعدوني شو الحل وياه
لاتتاخرون عليه لاني محتاجه منكم المساعد
وبدعيلكم بكل صلاتي
يعني في جيه من الرياييل مايتنزل حتى يقول لحرمته فخاطري هالشي.
الله يهديه ان شاءالله
واسمحيلي ان شالله خواتي يساعدج في حل مشكلتج ماعندي خبره
بالنسبه لريلج ما دام ياب لج اغراض يبيج انت تطبخين سيري المطبخ وتفنني سوي له شي يحبه وحاولي تضبطينه وتزينين الصحن لو عرفتي شي يحبه حاولي تسوينه عشان تكسرين عينه شوي ويحس بأهتمامج
غيري حجرتج اي شي فيها لو الحاف وزيني الحمام بالورود والمعطرات واللوشنات واهتمي بالحجره حطي شي يديد لو تغيرين الابجوره او تحطين باقة ورده بمزهريه . اكتبي دعاء تفريج الهم واطبعيه ولونيه حطيه بمكان واضح لو على باب الكبت من داخل او برع خلي اشياء ايمانيه جريبه منج يمكن يحس انج متدينه ويحترمج فيه ريايل جيه . لا تستغربين . خذي له هديه عامليه معامله حسنه لو غلط عليج وبي يوم بتفهمينه كل الي بقلبج بس خليه يتعلق فيج طرشي له مسج حب او عتاب وآخره عقب كل الي تسويه فيني مب زعلانه لاني احبك ابو عيالي .
الله يصلح حالج لاحسن حال ويهدي زوجج
يعني أنت متزوجة من 3 سنوات هل من يوم زوجكم هيك ؟؟؟؟
ما في زوج يتصرف كما ذكرتي بدون سبب ؟؟؟؟ كارة أهلك ليش ؟؟؟؟
حبوبة لغز مشكلتك أكيد عندك يعني كيف تزوجتوا هل مجبور ؟؟؟؟ هل حدث مشاكل بخطبتك مع أهلك ويكون شايل عليهم ؟؟؟؟
حبوبة صعب أعطي نصيحة وأشعر الموضوع ناقص —
أنت مثل بنتي وخبرتي بالحياة تقول ما في مشكلة زوجية بدون أسباب
أتمني يكون هناك توضيح حتى نفيدك لأن سوف تجدي كل الردود أصبري أهتمي فية أكثر والدعاء وهذة الأمور مهمة بس مش حل للمشكلة
وكما يقولون أن عرف السبب بطل العجب
وكثري من الاستغفار ولا تجادلينه