ابغي الدوره تنزل لصحة الجسم

انا دورتي مب منتظمه ومتأخره الحين شهر رحت المستشفي سوا حقي تحليل طلع ما فيه حمل عطوني دواء عشان تنزل الدوره وانا الحين اكل الدواء . وانا بعد ابيكم اتخبروني شو اشرب عشان ينزل لي الدوره انا قالوا لي قرفه وحلبه وزنجيل بس ما اعرف كيف الطريقه والسموحه

ربي لا تذرني فردا وانت خير الوارثين

انا يوم اتييني الدورة اشرب الصبح اول ما انش .. قرفه .. اغلي الماي واحط ملعقتين قرفه واتريا الين تغلي وبعدين احط شويه سكر واشربها .. وبالليل نفس الشي .. واللي يزيد احطه في الثلاجه ووقت ما اريد اشربه اعيد اسخنه ..

وعلى فكره القرفه واااااااااااايد زينه للدورة تنزل لج قطع الدم اللي متيمع .. انا هالشهر جربتها ووااايد نزلي قطع دم ..

والسموحه .. ويمدحون بعد الحلبه والزنجبيل .. بس ما جربتهم

هاتي حلبه مزر فنيان تقريبا ونقيها وغسيها زين وصبي شوي ماي في جدر وحطي الحلبه خليها تثووووور.. وبخاشوقه طلعي اللون البني اللي يثور ويكون فوق الماي .. وحطي عود جرفه وخليها تثور تقريبا 25 او 20 دقيقه واذا نقص الماي زيديه وعقب حطي سكر وخلطي حليب نيدو ويا ماي وحطيه في الجدر وحطي زعفران وفلفل اسود وشوي سمن الدار خليه يثور شويه عقب بنديه وخلاص

انصحج لا تاخذين الكيماويات واتعودي عالاشياء البيتيه احسن مثل منقوع الزعتر ومنقوع الجرفة والحبه الحمره

ومارسي الرياضة عشان تنتظم الدورة عندج..

جرفه مفوره بماي بس خليها مركزه بس اتحملي يمكن حااااامل مرات التحليل ما يطلع صح تأكدي

انا اللي اعرفه ان اللبن والروب يقطع الدورة .. يوم اتييني واااااايد احاول كثر ما اقدر اني اتجنبه ما آكل لا روب ولا اشرب لبن