قسمي أغراضج بين ((صواني وسلال وبوكسات)) يعني مب بس سلال وانتهى؟؟حلو التنويع..
ويلس رتبي بينهم..شو اللي لازم في كل واحد وغلفي وزيني بإبداعج..حتى الصور مليان بالنت من أفكار إذا مب عارفة للتغليف والسموحة
ومثل ما قالت الاخت خذي بوكسات وسلال
اذا تبين تعرضين بس ممكن اتأجرين البوكسات واذا بس تبين اتشلينهن على بيت ريلج عيل اشتري ، بس اشتري قد الحاجه، وحطي في بالج بعد ما اتفضينهن وين بتحطين هالبوكسات والسلال وهل بتوزعينهن، ولا بتيودين شيء لبعدين
هاتي تور وورد وزيني، ممكن ورق تغليف هدايا الشفافة والاتواع الثانية
حطي كل شيء في اكياس شفافة بتحصلينهن عندي المحلات اللي يبيعون ادوات خياطة ( الكيلو ب 10 دراهم وفيه 50 حبه) وفي منه احجام، وابشري شوية مسك أو مثلا البعض يحط صابون مبشور عشا الريحه
أو دخنيهن وعطريهن
بيقولج مال مندورة ولا مال سروال
وانتي وحسب ترتيبج
ممكن الفوط وشيل البيت اتلفينهن جنهن حزم وربطيهن بشريطة
وسيري محلات الورد وخذي أفكار منهم
والله يوفقنا
أسميها الزهبة هم، عيزت أنا وتوني بادية الترتيب
واختاري السلال او البوكسات بحيث تستفيدي منها بشي بعدين ما تنسي انك بدك تفضيها