معي بنت وولد الله يحفظهم 5 سنوات وسنتين
المشكلة يادكتورة انا ربيتهم على الاحترام والاستئذان والشكر والحمد وتسبيح الله وقراءة القران ماشاء الله عليهم
عودتهم ماتلفظون على الكبار او يضاربون او يسوون حركات بذيئة او مقرفة وربي هاديهم لي لكن المشكلة في المجتمع حولي وخاصة الاقارب الاقي عيالهم طايحين ضرب فيهم مساكين واولادي مايدافعون عن انفسهم بس يجون يبكون ويشتكون واحيانا اتفاهم بود مع الاطفال الاخرين واحيانا اقول قولي لامه وهنا مربط الفرس القى امهاتهم مايتعاملون معهم بلطف بالعكس يبرون عيالهم ويحرضونهم بعد وقدامي والله العظيم بدون احترام لي حتى نظرتهم لي كلها يأس والبعض الاخر يقول والله اش اسوي ابغى ولدي يتعلم المضاربة زي اخوانه مسكين مايدافع عن نفسه طبعا والتدريب في اولادي ووحده ثانيه تقول خليهم يتضاربون الين يتعبون وانا مستحيل ارضى بها الكلام وتلاقين دايم على اعصابي لحد ماارجع بيتي ومن كثر ماتصير مشاكل من هالنوع صار زوجي يرفض روحتي لهم باولادي وصارت بيننا خلافات عشان هالموضوع وانا مقدرة انه اب وانا والله العظيم ممامدح اولادي لكنهم وربي مؤدبين بزيادة وينصدمون في الهواش والصراخ احيانا حتى اختي ترفع صوتها عليهم ولما يبكون تتريق عليهم وترجع بنتي تقول انا آسفة خالة بدون اي سبب للاعتذار بس من حيرتها ماتدري اش تسوي وفي الاخر تتمسخر عليها ولا تعنى باعتذارها وانكسارها
اش اسوي احرم نفسي من اهلي ومجتمعي والا من عيالي لاني مااقدر ابعد عنهم ولا نص ساعة ولا هم كمان يرضون بعادي كله عشان صلة الرحم اللي مايقدر ولا يحترم
والاهم ماابي اولادي يتعلمون معهم الالفاظ البذيئة والتصرفات السيئة والكذب اسوأ صفه فيهم واخاف على نفسياتهم كثير حتى بنتي صرت لما اقولها نروح لهم تبكي ماتبي تروح لهم
ايش اسوي ساعدوني
للرفع
قريت الموضوع ما عرفت هل هو موجه لدكتوره أو ألنا كاعضوات ..
أذا ألنا كاعضوات هذا هو ردي ..
أنا ربيت بنتي مثل أعيالج .. فالأول كنت أخليها تواجه الموضوع بروحها
وعقب قمت أدعمها بالسلاح وهو الرد المأدب أو بالشكوى المأدبه لولي الأمر
بعدها لقيت الأهالي بتصرفون بتجاهل
علمت بنتي الصغيره بتلقين الأم درس في الأدب والأخلاق مع أحترام لي الأمر إلي جدامها .. فصارت الأم تستحي من كلام بنتي الصغيره .
بس الصراحه ما قدروا يغيرون الأيجابيات إلي عطيتها لبنتي بهالهمجيه إلي يتعاملون أبها .. بنتي اليوم عمرها 11 سنه ولله الحمد عرفت بعد هالفتره أنها هي الصح ولي حوليها غلط عزيزتي .
ولتعتقدين أنج الغلط ولا تخلين إلي حواليج يغيرون الأيجابيات إلي في عيالج .. وحاولي تدعمينهم بالأشياء الأيجابيه لتصدي للعالم الخارجي وبالحجه الصحيحه وبالأدب والأحترام ..
تحياتي لج عزيزتي .
وبخاف كثير من التاثير السلبي عليها
ما بعرف شو احكيلك لاني ما عندي خبرة لحد هسا
بس انت كرري الي بتعلميهم اياه دايما ولا تسمحي انه يتصرفو غلط واذا حكو فلان بيعمل هيك فسري انه فلان هو الغلط ومتل ما حكو الخوات مع الزمن بيعرفو انه هم الصح
وربي يعينا على التربية السليمة يا رب