حيا الله المتان
أول شي أحب أقول اللي بتقرا كل حرف في موضوع حياها الله
لكن اللي بتقرا كلمة و بتطنش كلمه يا ويلها مني
بلاكم مستغربات من العنوان
هيه نعم .. انتي متينة صح ؟؟
عيل تعالي ادخلي هالموضوع و اقري الرمسة اللي ف خاطري
هيه إنتي.. ليش في حد غيرج امتن عنج و انتي ما تدرين خخخخخ
المهم اسمعيني عدل
بقولج اشياء وايد سويتيها و لا يابت وياج نتيجة أبد
1. ريجيم الكربوهيدرات
2. ريجيم البروتينات
3. ريجيم الفواكه
4. ريجيم الخضروات
5. ريجيم الكبيرت و المعادن و البحر الأسود و الأبيض و البرتقالي
أكيد جربتي كل انواع الريجيم
و طبعا النتيجة هي
((زيادة المتن متنين))
لا تقولين لأ..
لو كان جوابج "لأ" اطلعي من الموضوع
لأنج مب من الفئة اللي مستقصدتنها
المهم نرجع لسالفتنا
جربتي ريجيمات
جربتي رياضات
جربتي آلات التنحيف
جربتي كريمات التنحيف
جربتي الشاي الأخضر
جربتي القهوه
جربتي جلسات التدليك للتنحيف
أبد ما خليتي شي
و تعالي خبريني شو النتيجة؟؟
بتقولين لي
"أنا نفس ماأنا.. عايشة متينة يعني انا متينة"
أوكي السؤال لا متى؟
ليش؟
وين الخلل؟
وين الإرادة يا أم المتن؟
من كل صوب طالع لج لحم
يمين
يسار
فوق
تحت
ع الأطراف
الجوانب
الظهر
البطن أوووووه ما أدراك ما البطن
الفخوذ
الريل
بس بس بس ذبحتينا من المتن
بصراحة يا بنات يا متان
بسألكم أسئلة و جاوبوني
مب خاطرج تروحين محل نعال (عزكم الله) و تقولين لهم أبي قياس 37
ما مليتي و انتي تقولين للبياع (هات قياس 41 و لو مافي 42)
ما مليتي و انتي كل ما بغيتي تشترين لج ثياب
قلتي أبي دبل اكس لارج
و لو مافي
تربل اكس لارج
مب حرااااااااام؟؟ ما حسيتي ؟ ما فكرتي؟؟؟
مب خاطرج لو مرة في حياتج تلبسين ثياب اللي اسم قياسها (فري سايز)
اهئ اهئ اهئ اهئ
صراحة العبرة خنقتني و اضطريت اصيح
كل هذا كوم و يوم تشترين لج ذهب و بالأخص خواتم الذهب
ما مليتي و انتي قياس صبعج 20 .. لين 28
حشى شو هالقياسات اللي تعور الراس و تعصر القلب
تخيلي باجر انخطبتي ((هذا لو في حد يفكر في متينه ويووو خخخخ))
تخيلي اهل ريلج بياخذون لج دبله و يقولوون هاتي قياس خاتمج
يا فضيحتج فضيحااااااه
و هم يشوفون قياس الخاتم
بيتحرونه خلخال و لا حيل و لا سويرة
فشلة يا بنات فشلة
لا متى و انتي تمشين و الخدم و الحشم وراج و جدامج و يمينج و يسارج
((فهمتوا صح خخخخ))
مب في خاططرج توقفين ع الميزان و تشوفين
وزنج في الـ 50
آه و القهر بنات في الـ 50 يبون يضعفون
هالنوع خاطري اكله خخخخ====
انتي يالمتينة؟
!!
أشوفج تهزين راسج من هالرمسة و تقولين كلها صح
انزين تعالي بلا هز راس و لا خرابيط
اسمعيني عدل
فكري في عمرج عدل
سوي رياضة
سوي ريجيم
لا تقولين باجر بسوي و باجر بيصير كذا و باجر بسوي رياضة
لااااااااااااا
ترى هالنوع انا عارفتنه عدل
و مسميتنهم ((قوم باجر))
هالقوم الله يسلمكم .. يتريون باجر ايي عسب يقولون باجر
و لما ايي باجر يقولون باجر
و يتبجرون كل يوم لين ينبجروووون صدقوووني
000
لو إنتي فعلا جادة و تبين تغيرين حياتج
للأفضل
للأحلى
للأحسن
للأرشق
اعقدي النية بينج و بين ربج
و توكلي ع رب العالمين
و ما خاب من توكل ع الله سبحانه و تعالى
و ادعي الله يعينج ع الصحة و العافية
و ممارسة الرياضة بشكل يومي
و لو ما ترومين تصكين حلجج عن الأكل شرات برنقلز
عالأقل رحمي حالج و خففي
—
ما كتبت هالرمسة إلا أبي مصلحتج
و أباج تضعفين
و تنظرين للحياة بشكل إيجابي
و تحسين إنج فراشة ^-^
—
و الحين كل وحدة قرت موضوعي تكتب رايها
و تخبرني شو قررت تسوي بعد ما قرت هالرمسة ^-^
مع تحيات:
متينة من هالمتينات اللي كل يوم يقولون باجر
مع تحيات:
متينة تاكل حتى لو مب يوعانه
مع تحيات:
متينه يأست منها كل الريجيمات مب هي اللي يأست من الريجيمات
مع تحيات:
متينة تكره الميزان
اهئ اهئ اهئ
وان شاء الله كل متينه اتصير رشيقه
مب خاطرج تروحين محل نعال (عزكم الله) و تقولين لهم أبي قياس 37
ما مليتي و انتي تقولين للبياع (هات قياس 41 و لو مافي 42)
ليش حبيبتي شو يخص المتن في قياس النعال !!
يعني لو ضعفت بيصير اقل ؟؟ والله معلومه يديده
و كلامج كله صحيح
انا من (( قوم باجر ))
لازم اودر عني هالشي اول و ابدا صدق مب كله اقول باجر و باجر
و لما اشووف اكل احبه اقووول باكله و بشرب وراه حلول خخخخخخخخخخخ
مشكوره على الموضوع لو انه عور قلبي بكلامج لانه صح
انا عن نفسي بديت الرجيم ونزلت والحمدالله وامواضبه على الرياضيه
بس الاراده لازم تكون موجوده
عسى ان شاء الله يوفقك الجيمع ويضعفن وستون رشيقااات
تسلمين اختي مره ثانيه
فيه بنات ريلهم قصيرة لكن من المتن عريضه
يعني ايوز عليهم قياس 37 لكن ضيج
فيضطرون يطلبون قياس اكبر عسب يناسب عرض ريلهم
اهئ اهئ اهئ اسكتي الله يخليج لا تقلبين علي المواجع
ونة زمن
تسلموووووووووووون خواتي
من شهر وانا اقول باجر