..
بدخل في الموضوع على طول ..
قبل رمضان بشهرين اتاخرت الدوره (دورتي من عرست منتظمه 28 يوم"معرسه من سنه و 7 شهور") المهم يتني عقب 30 يوم و يوم فحصت..
اكتشفت انه عندي كيس وظيفي شي جيه .. خذت حبوب و سافرت بعد اتاخرت الدوره لين 30 ..
و في رمضان يتني عقب 23 يوم وايد انصدمت قلت الحين خلاص الدورة المنتظمة راحت في الباي باي لوول ..
المهم يوم سرت عند الدكتورة قالت ها شي زين ماعرف من اي ناحيه بس عطتني حبوب اخذها (2 شي 5 ايام من خامس يوم للدورة و الثاني من اليوم العاشر شي جيه) حددت ايام الجماع بس لانه في رمضان ما حصل الجماع الا في اول الايام انه يوم و ترك ..
الحين المفروض هالاحد تيني الدوره و لين اليوم ما يت .. انا مستانسه لاني اقضي الايام اللي عليه،، ..
انا موووول ما احس بشي اليوم بس حسيت بويع في يمبي اليسار و خاز حتى ما طول،، ما احس انه بتيني الدورة ولا احس باي شي تغير (اعراض الحمل) الشي الوحيد اللي من فترة احسه انه حجم صدري كبر و ايعورني ساعات بس بعد ماعرف يمكن يتراوالي ..
اول امس (ثاني يوم من تأخر الدورة) سويت اختبار منزلي و كان سالب .. اليوم اشتريت الديجيتل و قلت اذا كملت اكثر عن 10 ايام برد اسوي التحليل ..
..
الحين ني للإستفسار ..
شو السالفه ليكون الحبوب ماخره الدوره ولا دورتي اختربت ؟؟
اذا كنت حامل ليش ما احس بشي ؟؟ هل في شي اقدر منه اعرف غير الاختبار ؟؟
و متى ينعرف في تحليل الدم ؟؟
في حد استواله جيه ؟؟ انه ما اتحس بشي و تطلع حامل ؟؟
انا عندي أمل كبير .. الحمدلله على كل حال ..
كلموني بصراحه ما احب احط امل و انحبط ..
…
..
،
سامحوني طولت عليكم ، اتمنى حد يفيدني ..
اختكم ..
انا كانت عندي تتلخبط وايد وتمت على حالها وبروحها تعدلت …
بالبدايه رحت المستشفى عطتني الدكتوره دوى لخبطت لي الدوره اكثررررر
ويابت لي الم فضيع وترقدت بالفراش لا قدرت امشي ولا اقعد ولا اكل ومنهاره من العوار والتعب
ربيعاتي وحرمة اخوي قالت عقيها هاي ما تنفع بتبهدلج بزياده ,..
صراحه ما جذبو خليتها وبروحها اعتدلت لا ادويه ولا خرابيط بسسسسس //
كنت اهتم بالتغذيه واكل الشي المفيد لي واشرب اشياء صحيه
مثلا كمون زعتر وزنجبيل ومن هالقبيل وابتعدت عن اكل الدياي لانها تلعب بالهرمونات وسويت رياضه مشي ..الخ
وعقب عالجت سالفة الافرازات وفتره وبسيطه جدا وراحت والحمد ..
ووقبل كل هذااا اكيد ارادة الله اقوى عن كل الاسباب والعالجات ^^
والحمد لله انتي ما عندج خلل بالمبايض او التهابات يعني فيه احتمال كبير تحملين .. ^^
واذا تبين تتطمنين اكثر خل ريلج يفحص
وربي يكتب لكم الي فيه الخير
و انتي بصحه و سلامه
وبالنسبة لسؤالك عادي جداً ممكن يكون في حمل وما تحسين بأعراض أبدا
الأعراض الحقيقية عند الأغلبية تظهر من الإسبوع السابع والثامن
ويارب تفرحينا خلال هالايام بخبر حملك
و انتي بصحه و سلامه
تفائلي بالخيييييييير فدييتج …