أمي تحرجني جدام الناااااس تخليني أفقد الثقه في نفسي :( لتربية طفلك

السلاااام عليكم ..
سالفة ربيعتي تبا شوركم كيف تتصرف ويا أمها بحط لكم السالفه كوبي بيست ..
………………………………

السلام عليكم و رحمة الله وبركاته ..
بختصر الكلاااام لأني ما أبي اطول عليكم كل إللي اتمناه انكم تنصحوني و تدعون الله يهدي أمي ..
والله يابنات أمي تحرجني جدام الناس واااااااايد مجرد ما إني اي ابي اسلم على الضيوف تحط علي جدامهم ادور عيب فيني إلا وتحرجني كم مره اقولها يوم حد بيي عندج حريم مابي ايقعد ولا اسلم عليهم تقعدين تحرجيني جدامهم انزين تسكت عقب يوم الناس ايون تخيلو تقول جدامهم اونه فلااانه تقول مابي عند الحريم انتي تحرجيني تقعدين تحطين علي .. حتى تخيلو مرات اكون في غرفتي يوم ناس يكونون موجودين تتصل لي وهي تكون قاعده عندهم تصااارخ اونه يلاااا تعالي سلمي على الحريم وهاتي الشي الفلاني او القهوه ,, أنا صح متفهمه أن امي ماااال اول ويمكن جااااهله شوي لكن مو لهدرجه حتى جدااام اخواني وابوي تحرجني على اشيااااء تافهه مرااات والله يوم اسوي اكله مثلاً وتطلع بايخه حريم أخواني يشجعوني إني اسوي مره ثانيه واتعلم هي لااااا تذمني جدامهم احس حتى مرااات والله اصغر في عينهم حتى مرات لما اسوي شي غلط تظربي جدامهم بس بالغشمره صح انها بالغشمره بس اسلوبها يكون جنها جاده هذاك الوقت احس اني انجرح جدااامهم والله لدرجه اشياااء ومواااقف وايده تستوي بس ماتحظرني احين حتى والله العظيم أني اكتم في قلبي واضحك في ويهم اوني عااادي عندي يعني بس والله مجرد ما اني انفرد بروووحي اقعد اصييييييييييح امي صح طيبه وعلى نياتها بس مووول مانعرف نتفاهم ويااها كل لازم اطلع روحها هي الصح ونحن الغلط لة شو مايستوي والله بنات انصحوني كيف اتصرف معاااها وادعولي اتزوج عاجلاً غير أجل عسب افتك من هالعيشه احس حتى حريم اخواني قامو يستهينون فيني جني ولااا شي جدامهم ..

هذي سالفتها و إن شاءالله تفيدونها وهي إن شاءالله بتقرى ردودكم الطيبه

مثل امي الله يهديهم

عادي .. أنا بعد أمي جي.. ^^

صح أتضايق لكن ما أقوللها ما أبا أقعد عند الحريم

انا بعد امايه جي
بس يت فتره كل ما يكونن الحريم في البيت انا ما اظهر لهن
عقب عصبت امايه علي وانا قلت لها سبب

أختي تقدرين تتفاهمين معاها و تقولين انج وااايد تنحرجين من كلامها بس باسلوب عشان ما تزعل منج انا امي كانت نفس الشيء تحرجني جدام ربيعاتها بس كنت اسكت ويوم يروحون اخبرها ان كلامها وايد يجرحني و افتشل تميت على هالحالة لين ما اضطريت اخبر الوالد و عقب هو كلمها وانحلت المشكلة

وعفواً إختى بس الزواج ما بحل مشكلتج يعني مثلا إذا تزوجتي امج ما بتتكلم صوب ريلج او اهل ريلج و شو دراج انج بتفتكين من المشكلة هذا راي و السموحة و بختم ردي بدعوة حلووووة

إن شاء الله تتيسر امورج مع الوالدة و تلقين الزوج الصالح

سيم سيم

الله يهديهم إن شاءالله ..

——————————————————————————–

اللَّهُمَّ فَارِجَ الْهَمِّ ، كَاشِفَ الْغَمِّ ، مُجِيبَ دَعْوَةِ المُضطَرِّينَ ، رَحْمنَ الدُّنْيَا وَالآخِرَةِ وَرَحِيمَهُمَا أَنْتَ تَرْحَمُني فَارْحَمْنِي بِرَحْمَةٍ تُغْنِيني بِهَا عَنْ رَحْمَةِ مَنْ سِوَاكَ