والصراحه ما لاحظت اي تغير ما زال ابني لايستطيع كتابة جملة باللغه الانجليزيه
أنا بصراحه عندي بنات وهن من الأوائل على مستوى مدارسهن ما أدري ليش الولد جذي هل المشكله فيني أنا أم فيه ما قدرت اخليه يحب اللغه الانجليزيه
الحين انا ابي منكم تساعدوني الي عندها ولد وخلته يحب الانجليزي وكيف طورت ولدها وشو الاساليب اللي استخدمتها معاه ساعدووووني الله يخليكم
السنه اليايه بيروح صف رابع ناويه انقله مدرسة الاتحاد شو رايكم؟
حاولي تعطينه دروس في الصيف او دخليه معهد
اشتري له افلام او رسوم باللغه الانجليزيه او حتى قصص ^_^
فووووووق فووووووق
مشترية لهم افلام كرتون أجنبية ,,أو اللي فيها اناشيد بالانجلش مثل Twinle twinkle little star <<
اراويهم مقاطع روعة في اليوتيوب…عن الحروف وطريقة نطقها ونطق الحروف المركبة ,,,
حطيتهم في حضانة نظامهم اجنبي والحمد لله يلقطون بهالعمر وحتى اني اجرب أكلمهم بالانجلش وشكلهم فاهمين اللي أقوله بس التعبير بعدهم فديتهم بس لاقطين بعض الكلمات
بالنسبة للخط والكتابة ,,,يا كثر ما أشتري لهم كتب تلوين رسومات أو حروف بالانجلش الاكبر خده واضح والصغير بس يلعب بس يحاول فديته
حاولي تقرين له قصص خارجية روعة ,,, سواء من النت او قصص مطبوعة او حتى قصص الكتاب المدرسي
وطبعا شجعيه على أن يقرأ بنفسه ….
خذي له دفتر خط انجليزي وكشخيه بالاستكرات اللي يحبها (بن تن أو سبايدر مان) وكل يوم أو اسوبع على حسب ,,,يكتب موضوع معين على حسب الوحدة اللي يتعلمها ,,,مثلا مرة يكتب موضوع عن نفسه ومرة عن family ومرة عن animals وهكذا
اذا لغتج الانجلش اوكي حاولي تكلميه أحيانا واذا طلعتوا مطعم خليه يطلب بنفسه ويتكلم بالانجلش بيستانس وبيتشجع أنه يتعلم هاللغة
ولا تنسي التشجيع في كل تطور يحصل له مما سيحفزه للدراسة والجد أكثر ,,,